Kylian Mbappe: ಅತ್ಯಾಚಾರ ಆರೋಪ ಸುಳ್ಳು

Team Udayavani, Oct 16, 2024, 9:54 PM IST

ಪ್ಯಾರಿಸ್‌: ಫ್ರೆಂಚ್‌ ಫುಟ್ ಬಾಲ್‌ ತಾರೆ ಕಿಲಿಯನ್‌ ಎಂಬಪೆ ವಿರುದ್ಧ ಅತ್ಯಾಚಾರ ಆರೋಪ ಕೇಳಿಬಂದಿದೆ. ಈ ಕುರಿತು ಸ್ವೀಡನ್‌ ಮಾಧ್ಯಮಗಳು ಪ್ರಕಟಿಸಿರುವ ವರದಿಗಳು ಸುಳ್ಳು, ಬೇಜವಾಬ್ದಾರಿಯುತವಾದದ್ದು ಎಂದು ಎಂಬಪೆ ಪ್ರತಿನಿಧಿ ಹೇಳಿದ್ದಾರೆ. ಅವರು ಈ ಆರೋಪವನ್ನು ತಳ್ಳಿ ಹಾಕಿದ್ದಾರೆ.

ಈ ಬಗ್ಗೆ ಪ್ರತಿಕ್ರಿಯಿಸಿರುವ ಎಂಬಪೆ ಪರ ವಕೀಲ ಮೇರಿ ಅಲಿಕ್ಸ್‌ ಕ್ಯಾನು ಬರ್ನಾರ್ಡ್‌, ಈ ಪ್ರಕರಣದಲ್ಲಿ ಫ್ರೆಂಚ್‌ ಫುಟ್ ಬಾಲ್‌ ನಾಯಕ ಎಂಬಪೆಯದ್ದು ಏನೂ ತಪ್ಪಾಗಿಲ್ಲ. ಅವರ ಹೆಸರು ಥಳುಕು ಹಾಕಿಕೊಂಡಿದೆ ಅಷ್ಟೇ ಎಂದಿದ್ದಾರೆ. ಸ್ವೀಡನ್‌ ವರದಿಗಳ ಪ್ರಕಾರ, ಸ್ಟಾಕ್‌ಹೋಮ್‌ನಲ್ಲಿ ಸ್ನೇಹಿತನ ಮನೆಗೆ ಭೇಟಿ ನೀಡಿದ್ದಾಗ ಎಂಬಪೆ, ಅತ್ಯಾಚಾರ ಪ್ರಕರಣದಲ್ಲಿ ಭಾಗಿಯಾಗಿದ್ದರು ಎನ್ನಲಾಗಿದೆ. ಆದರೆ ಈ ಬಗ್ಗೆ ಸ್ವೀಡನ್‌ನಲ್ಲಿ ತನಿಖೆ ಶುರುವಾಗಿದೆಯಾದರೂ ಎಂಬಪೆ ಹೆಸರು ಉಲ್ಲೇಖವಾಗಿಲ್ಲ ಎಂದು ವರದಿಯಾಗಿದೆ.