ಸದ್ಯಕ್ಕೆ ಲಯೋನೆಲ್‌ ಮೆಸ್ಸಿ ನಿವೃತ್ತಿ ಇಲ್ಲ

Team Udayavani, Dec 20, 2022, 8:15 AM IST

ಲುಸೈಲ್‌: ಲಯೋನೆಲ್‌ ಮೆಸ್ಸಿ ತಮ್ಮ ನಿವೃತ್ತಿಯ ನಿರ್ಧಾರವನ್ನು ಬದಲಿಸಿದ್ದಾರೆ. ಸದ್ಯ ನಿವೃತ್ತಿಯಾಗುವ ಯೋಚನೆ ನನ್ನ ಮುಂದಿಲ್ಲ, ಆರ್ಜೆಂಟೀನಾ ಪರ ಒಬ್ಬ ಚಾಂಪಿಯನ್‌ ಆಟಗಾರನಂತೆ ಇನ್ನೂ ಆಟ ಮುಂದು ವರಿಸುವ ಯೋಚನೆ ನನ್ನ ಮುಂದಿದೆ. ಹೀಗೆಂದು “ಟೈಸಿ ಸ್ಪೋರ್ಟ್ಸ್’ ಎಂಬ ಮಾಧ್ಯಮಕ್ಕೆ ಹೇಳಿಕೆ ನೀಡಿದ್ದಾರೆ.

ಇದು ಅಭಿಮಾನಿಗಳಿಗೆ ಸಂತಸ ತಂದಿದ್ದರೆ, ಅವರ ಕೊನೆಯ ವಿಶ್ವಕಪ್‌ ಎಂದು ಭಾವಿಸಿ ಪಂದ್ಯವನ್ನು ವೀಕ್ಷಿಸಿದವರನ್ನು ಬೇಸ್ತುಬೀಳಿಸಿದೆ.

ಜೆರ್ಸಿ ಸದಾ ಸಿದ್ಧ
“ಅವರು ಬಯಸಿದರೆ 10ನೇ ಸಂಖ್ಯೆಯ ಜೆರ್ಸಿ ಸದಾ ಸಿದ್ಧವಿರುತ್ತದೆ. ಯಾವುದೇ ತೀರ್ಮಾನ ಮಾಡುವ ಅಧಿಕಾರ ಅವರಿಗಿದೆ. ಅಂತಹ ಪ್ರಭಾವಿ ವ್ಯಕ್ತಿಯನ್ನು ನಾನಂತೂ ಡ್ರೆಸ್ಸಿಂಗ್‌ ಕೊಠಡಿಯಲ್ಲಿ ನೋಡಿಲ್ಲ’ ಎನ್ನುವುದು ಆರ್ಜೆಂಟೀನಾ ವ್ಯವಸ್ಥಾಪಕ ಲಿಯೋನೆಲ್‌ ಸ್ಕಾಲೊನಿ ಹೇಳಿಕೆ.