ಕೊರೊನಾ ಸೋಂಕಿಲ್ಲ; ಕಿವೀಸ್‌ ವೇಗಿ ಲಾಕಿ ಫ‌ರ್ಗ್ಯುಸನ್‌ ನಿರಾಳ

Team Udayavani, Mar 15, 2020, 11:15 AM IST

ಸಿಡ್ನಿ: ಮೊನ್ನೆಯಷ್ಟೇ ಚೇತರಿಸಿಕೊಂಡು ನ್ಯೂಜಿಲೆಂಡ್‌ ತಂಡಕ್ಕೆ ಮರಳಿದ ವೇಗಿ ಲಾಕಿ ಫ‌ರ್ಗ್ಯುಸನ್‌ ದೊಡ್ಡ ಗಂಡಾಂತರದಿಂದ ಪಾರಾಗಿದ್ದಾರೆ.

ಸಿಡ್ನಿ ಏಕದಿನ ಪಂದ್ಯ ಮುಗಿದ ಬಳಿಕ ಅವರಿಗೆ ಗಂಟಲು ನೋವು ಕಾಣಿಸಿಕೊಂಡ ಕಾರಣ, ಕೊರೊನಾ ಭೀತಿ ಕಾಡಿತ್ತು. ಹೀಗಾಗಿ ಅವರನ್ನು ಹೊಟೇಲಿನ ಕೊಠಡಿಯಲ್ಲೇ ತೀವ್ರ ನಿಗಾದಲ್ಲಿಇರಿಸಲಾಗಿತ್ತು. ಆದರೆ ಇದು ಕೊರೊನಾ ಅಲ್ಲ ಎಂಬುದಾಗಿ ವೈದ್ಯಕೀಯ ವರದಿ ತಿಳಿಸಿದ್ದು, ಫ‌ರ್ಗ್ಯುಸನ್‌ ನ್ಯೂಜಿಲೆಂಡಿಗೆ ವಾಪಸಾಗಲು ಯಾವುದೇ ಅಡ್ಡಿ ಇಲ್ಲ ಎಂದು ತಿಳಿದು ಬಂದಿದೆ.

ಇದಕ್ಕೂ ಮೊದಲು ಆಸ್ಟ್ರೇಲಿಯದ ವೇಗಿ ಕೇನ್‌ ರಿಚರ್ಡ್‌ಸನ್‌ ಕೂಡ ಇದೇ ಸಂಕಟಕ್ಕೆ ಸಿಲುಕಿದ್ದರು. ಅವರನ್ನು ಕೊರೊನಾ ಕಾಡಿದೆ ಎಂದು ಸುದ್ದಿಯಾಗಿತ್ತು. ಕೊನೆಗೆ ನೆಗೆಟೀವ್‌ ಎಂಬುದಾಗಿ ವರದಿ ಬಂದಿತ್ತು.

ಆಸ್ಟ್ರೇಲಿಯಾ ಮತ್ತು ನ್ಯೂಜಿಲ್ಯಾಂಡ್ ನಡುವಿನ ಏಕದಿನ ಸರಣಿಯನ್ನು ಅರ್ಧಕ್ಕೆ ಮೊಟಕುಗೊಳಿಸಲಾಗಿದೆ. ಮೊದಲ ಪಂದ್ಯವನ್ನು ಆಸ್ಟ್ರೇಲಿಯಾ ಗೆದ್ದುಕೊಂಡಿತ್ತು.