Mohammed Siraj: ಬಿಟೌನ್‌ನ ಈ ಹಾಟ್‌ ಬೆಡಗಿ ಜತೆ ಕ್ರಿಕೆಟಿಗ ಸಿರಾಜ್‌ ಡೇಟಿಂಗ್?

Team Udayavani, Nov 26, 2024, 11:14 AM IST

ಮುಂಬಯಿ: ಟೀಮ್‌ ಇಂಡಿಯಾದ ಸ್ಟಾರ್‌ ವೇಗಿ ಮೊಹಮ್ಮದ್ ಸಿರಾಜ್ (Mohammed Siraj) ಅವರನ್ನು ಆರ್‌ ಸಿಬಿ ತಂಡ  ಮತ್ತೆ ಖರೀದಿಸಿಲ್ಲ ಎನ್ನುವ ವಿಚಾರ ಆರ್‌ ಸಿಬಿ ಫ್ಯಾನ್ಸ್‌ಗಳಿಗೆ ನಿರಾಸೆ ಉಂಟು ಮಾಡಿದೆ.

ಈ ನಡುವೆ ಸಿರಾಜ್‌ ಅವರ ಕುರಿತು ಹೊಸ ವಿಚಾರವೊಂದು ಸೋಶಿಯಲ್‌ ಮೀಡಿಯಾದಲ್ಲಿ ಹರಿದಾಡಿದೆ. ಅದು ಅವರ ಡೇಟಿಂಗ್‌ ವಿಚಾರ. ಸಿರಾಜ್‌ ಬಾಲಿವುಡ್‌ ನಟಿಯೊಬ್ಬರ ಜತೆ ಡೇಟ್‌ ಮಾಡುತ್ತಿದ್ದಾರೆ ಎನ್ನುವ ಮಾತು ಕಳೆದ ಕೆಲ ದಿನಗಳಿಂದ ಸೋಶಿಯಲ್‌ ಮೀಡಿಯಾದಲ್ಲಿ ಹರಿದಾಡುತ್ತಿದೆ.

ಇತ್ತೀಚೆಗೆ ಬಿಗ್ ಬಾಸ್‌ ಸೀಸನ್‌ -13ರಲ್ಲಿ ಸ್ಪರ್ಧಿಯಾಗಿ ಕಾಣಿಸಿಕೊಂಡಿದ್ದ ನಟಿ ಮಹಿರಾ ಶರ್ಮಾ (Mahira Sharma ) ಬ್ಯಾಕ್‌ ಲೆಸ್‌ ಔಟ್‌ ಫಿಟ್‌ ಧರಿಸಿ ಸರಣಿ ಫೋಟೋಗಳನ್ನು ಇನ್ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿದ್ದರು. ಈ ಫೋಟೋಗೆ ಲಕ್ಷಾಂತರ ಲೈಕ್ಸ್‌ಗಳು ಬಂದಿವೆ. ಇದೇ ಫೋಟೋಗೆ ಕ್ರಿಕೆಟಿಗ ಸಿರಾಜ್‌ ಅವರು ಲೈಕ್‌ ಕೊಟ್ಟಿದ್ದಾರೆ.

ಇದೇ ವಿಚಾರ ಡೇಟಿಂಗ್‌ ಮಾತಿಗೆ ತಿರುಗಿದೆ. ಸಿರಾಜ್‌ – ಮಹಿರಾ ಇಬ್ಬರು ಡೇಟ್‌ನಲ್ಲಿದ್ದಾರಾ? ಎಂದು ನೆಟ್ಟಿಗರು ಪ್ರಶ್ನೆ ಮಾಡಿದ್ದಾರೆ. ಇಬ್ಬರ ನಡುವೆ ಏನೋ ನಡೆಯುತ್ತಿದೆ ಎಂದು ನೆಟ್ಟಿಗರು ಊಹಿಸಿದ್ದಾರೆ.

ಆದರೆ ಇದುವರೆಗೆ ಮಹಿರಾ – ಸಿರಾಜ್‌ ಎಲ್ಲೂ ಜತೆಯಾಗಿ ಕಾಣಿಸಿಕೊಂಡಿಲ್ಲ. ಬಿಗ್‌ ಬಾಸ್‌ನಲ್ಲಿ ಸ್ಪರ್ಧಿಯಾಗಿದ್ದ ಸಮಯದಲ್ಲಿ ಮಹಿರಾಗೆ ಪರಸ್ ಛಾಬ್ರಾ ಅವರ ಪರಿಚಯವಾಗಿತ್ತು. ಇಬ್ಬರು ಪರಸ್ಪರ ಪ್ರೀತಿಸುತ್ತಿದ್ದರು. ಆದರೆ 2023ರಲ್ಲಿ ಇಬ್ಬರ ಬ್ರೇಕಪ್‌ ಆಗಿತ್ತು. ಪರಸ್ ಅವರನ್ನು ಮಹಿರಾ ಇನ್ಸ್ಟಾದಲ್ಲೂ ಅನ್‌ ಫಾಲೋ ಮಾಡಿದ್ದರು.

ಸದ್ಯ ಸಿರಾಜ್‌ ಮಹಿರಾ ಅವರ ಫೋಟೋಗೆ ಲೈಕ್‌ ಕೊಟ್ಟಿರುವುದು ಹಾಟ್‌ ಗಾಸಿಪ್‌ ಆಗಿದೆ. ಡೇಟಿಂಗ್‌ ವಿಚಾರದ ಬಗ್ಗೆ ಚರ್ಚೆ ಹುಟ್ಟು ಹಾಕುವಂತೆ ಮಾಡಿದೆ.

ಇತ್ತೀಚೆಗೆ ಮಹಿರಾ ʼವಿಥ್‌ ಔಟ್‌ ಯುʼ ಎನ್ನುವ ಮ್ಯೂಸಿಕ್‌ ಆಲ್ಬಂನಲ್ಲಿ ಕಾಣಿಸಿಕೊಂಡಿದ್ದರು.