ವಿಶ್ವ ಹಾಕಿ ಲೀಗ್‌: ಭಾರತಕ್ಕೆ ಸೋಲು, ಕೂಟದಿಂದ ಔಟ್‌

Team Udayavani, Jun 23, 2017, 10:14 AM IST

ಲಂಡನ್‌: ಸಂಘಟಿತ ಪ್ರದರ್ಶನ ನೀಡುವಲ್ಲಿ ವಿಫ‌ಲವಾದ ಭಾರತ ತಂಡ ವಿಶ್ವ ಹಾಕಿ ಲೀಗ್‌ ಸೆಮಿಫೈನಲ್‌ ಟೂರ್ನಿಯ ಕ್ವಾರ್ಟರ್‌ ಫೈನಲ್‌ ಪಂದ್ಯದಲ್ಲಿ ಮಲೇಷ್ಯಾ ವಿರುದ್ಧ ಸೋಲುಂಡಿದೆ. ಈ ಮೂಲಕ ಒಟ್ಟಾರೆ ವಿಶ್ವ ಹಾಕಿ ಲೀಗ್‌ ಕೂಟದಿಂದಲೇ ಔಟಾಗಿದೆ. ಮಲೇಷ್ಯಾ 3-2 ರಿಂದ ಭಾರತ ತಂಡಕ್ಕೆ ಆಘಾತ ನೀಡಿತು.

ಭಾರತದ ಪರ ರಣದೀಪ್‌ ಸಿಂಗ್‌ 2 ಗೋಲು ಬಾರಿಸಿದರು. ಪಂದ್ಯದ ಆರಂಭದಿಂದ 14ನೇ ಶ್ರೇಯಾಂಕಿತ ಮಲೇಷ್ಯಾ ತಂಡ ಭಾರತದ ಮೇಲೆ ದಾಳಿ ನಡೆಸಿತು. ಹೀಗಾಗಿ ಮಲೇಷ್ಯಾ ಒಂದು ಹಂತದಲ್ಲಿ 2-0 ದಿಂದ ಮುನ್ನಡೆಯಲ್ಲಿತ್ತು. 
ನಂತರ ಆಕ್ರಮಣಕ್ಕೆ ಮುಂದಾದ ಭಾರತ ಒಂದರ ನಂತರ ಮತ್ತೂಂದು ಗೋಲು ಸಿಡಿಸಿತು. ಇದರ ಫ‌ಲವಾಗಿ ಭಾರತ 2-2 ರಿಂದ ಸಮಬಲ ಪಡೆಯುವಲ್ಲಿ ಯಶಸ್ವಿಯಾಗಿತ್ತು. ಆದರೆ ಆ ನಂತರ ಮಲೇಷ್ಯಾ ಮತ್ತೂಂದು ಗೋಲು ಸಿಡಿಸಿತು.

ಇದರ ಫ‌ಲವಾಗಿ ಮಲೇಷ್ಯಾ 3-2 ಗೋಲುಗಳಿಂದ ಜಯ ಸಾಧಿಸಿ ಸೆಮಿಫೈನಲ್‌ಗೆ ಲಗ್ಗೆಹಾಕಿತು. ಗೋಲು ಬಾರಿಸಲು
ಸಿಕ್ಕ ಗೆಲವು ಅವಕಾಶಗಳನ್ನು ಕೈಚೆಲ್ಲಿದ್ದು ಭಾರತ ಸೋಲಿಗೆ ಕಾರಣವಾಯಿತು.