ಮಲೇಶ್ಯ ಓಪನ್‌: ಸಿಂಧು, ಸೈನಾ ಸವಾಲು ಅಂತ್ಯ

Team Udayavani, Apr 6, 2017, 10:23 AM IST

ಕುಚಿಂಗ್‌ (ಮಲೇಶ್ಯ): ಭಾರತದ ಸ್ಟಾರ್‌ ಬ್ಯಾಡ್ಮಿಂಟನ್‌ ಆಟಗಾರ್ತಿಯರಾದ ಪಿ.ವಿ.ಸಿಂಧು ಮತ್ತು ಸೈನಾ ನೆಹ್ವಾಲ್‌ ಮಲೇಶ್ಯ ಓಪನ್‌ ಸೂಪರ್‌ ಸೀರೀಸ್‌ ಬ್ಯಾಡ್ಮಿಂಟನ್‌ ಕೂಟದಲ್ಲಿ ಸೋಲುಂಡಿದ್ದಾರೆ. 

ಪುರುಷರ ವಿಭಾಗದಲ್ಲಿ ಭಾರತದ ಅಜಯ್‌ ಜಯರಾಮ್‌ 2ನೇ ಸುತ್ತಿಗೆ ಪ್ರವೇಶಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಬುಧವಾರ ನಡೆದ ಮಹಿಳೆಯ ಸಿಂಗಲ್ಸ್‌ನಲ್ಲಿ ವಿಶ್ವದ ನಂ. 6ನೇ ಶ್ರೇಯಾಂಕಿತೆ ಸಿಂಧು 21-18, 19-21, 17-21 ರಿಂದ ಚೀನದ 13ನೇ ಶ್ರೇಯಾಂಕಿತೆ ಚೆನ್‌ ಯುಫೀ ವಿರುದ್ಧ ಸೋಲುಂಡರು. 

ಲಂಡನ್‌ ಒಲಿಂಪಿಕ್ಸ್‌ ಕಂಚು ಪದಕ ವಿಜೇತ ಸೈನಾ ನೆಹ್ವಾಲ್‌ 19-21, 21-13, 21-15 ರಿಂದ ಜಪಾನ್‌ನ ವಿಶ್ವ ನಂ.4 ಶ್ರೇಯಾಂಕಿತೆ ಅಕನೆ ಯಮಗುಚಿ ವಿರುದ್ಧ ಸೋತರು. ಮೊದಲ ಗೇಮ್‌ ಕಳೆದುಕೊಂಡ ಸೈನಾ ಎರಡನೇ ಗೇಮ್‌ನಲ್ಲಿ ತಿರುಗೇಟು ನೀಡಿದ್ದರು.