ಸತಾರಾ: ಹಾಫ್ ಮ್ಯಾರಥಾನ್ ಓಡುತ್ತಿದ್ದಾಗ ಕುಸಿದು ಬಿದ್ದು ಅಥ್ಲೀಟ್ ಸಾವು

Team Udayavani, Sep 18, 2022, 9:25 PM IST

ಸತಾರಾ: ಪಶ್ಚಿಮ ಮಹಾರಾಷ್ಟ್ರದ ಸತಾರಾ ನಗರದಲ್ಲಿ ಭಾನುವಾರ 32 ವರ್ಷದ ವ್ಯಕ್ತಿಯೊಬ್ಬರು ಹಾಫ್ ಮ್ಯಾರಥಾನ್ ಓಡುತ್ತಿದ್ದಾಗ ಕುಸಿದು ಬಿದ್ದು ಸಾವನ್ನಪ್ಪಿದ್ದಾರೆ.

ಸತಾರಾ ರನ್ನರ್ ಫೌಂಡೇಶನ್ ಆಯೋಜಿಸಿದ್ದ ಸತಾರಾ ಹಿಲ್ ಹಾಫ್ ಮ್ಯಾರಥಾನ್ (SHHM) ಸಂದರ್ಭದಲ್ಲಿ ಈ ಘಟನೆ ಸಂಭವಿಸಿದೆ. ನೆರೆಯ ಕೊಲ್ಲಾಪುರ ಜಿಲ್ಲೆಯವರಾದ ರಾಜ್ ಪಟೇಲ್ ಅವರು 21 ಕಿಮೀ ಓಟದ ಸಮಯದಲ್ಲಿ ಅಂತಿಮ ಗೆರೆಯ ಕೆಲವು ಮೀಟರ್ ದೂರದಲ್ಲಿ ಕುಸಿದರು ಎಂದು ಪೊಲೀಸರು ಮತ್ತು ಕಾರ್ಯಕ್ರಮದ ಆಯೋಜಕರು ತಿಳಿಸಿದ್ದಾರೆ.

ಕುಸಿದು ಬಿದ್ದ ನಂತರ, ಮ್ಯಾರಥಾನ್ ಸಂಘಟಕರು ತತ್ ಕ್ಷಣ ಪಟೇಲ್ ಅವರನ್ನು ಆಸ್ಪತ್ರೆಗೆ ಕರೆದೊಯ್ದರು, ಅಲ್ಲಿ ಅವರು ಸಾವನ್ನಪ್ಪಿದ್ದಾರೆ ಎಂದು ಘೋಷಿಸಿದರು. ನಾವು ಆಕಸ್ಮಿಕ ಸಾವಿನ ಪ್ರಕರಣವನ್ನು ದಾಖಲಿಸಿಕೊಂಡಿದ್ದೇವೆ ಮತ್ತು ಘಟನೆಯ ಬಗ್ಗೆ ತನಿಖೆ ನಡೆಯುತ್ತಿದೆ ಎಂದು ಪೊಲೀಸ್ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ಪಟೇಲ್ ಒಬ್ಬ ಪರಿಣಿತ ಅಥ್ಲೀಟ್ ಎಂದು ಹೆಸರಾಗಿದ್ದರು ಮತ್ತು ಅವರು ಅಂತಾರಾಷ್ಟ್ರೀಯ ಬ್ಯಾಡ್ಮಿಂಟನ್ ಆಟಗಾರ ಕೂಡ ಆಗಿದ್ದರು ಎಂದು ಸಂಘಟಕರೊಬ್ಬರು ಹೇಳಿದ್ದಾರೆ.