ಮಂಗಳೂರು ಪ್ರೀಮಿಯರ್‌ ಲೀಗ್‌ಗೆ ಚಾಲನೆ

Team Udayavani, Mar 21, 2018, 10:40 AM IST

ಮಂಗಳೂರು: ಬ್ರಾಂಡ್‌ ವಿಷನ್‌ ಈವೆಂಟ್ಸ್‌, ಮಂಗಳೂರು ಆಕೇಶನಲ್ಸ್‌ ಕ್ರೀಡಾ ಸಂಸ್ಥೆ ಮತ್ತು ಸಿ ಬರ್ಡ್‌ ಕ್ರಿಕೆಟ್‌ ಅಕಾಡಮಿ ಸಂಸ್ಥೆಗಳು ಕರ್ನಾಟಕ ರಾಜ್ಯ ಕ್ರಿಕೆಟ್‌ ಸಂಸ್ಥೆಯ ಅನುಮೋದನೆಯೊಂದಿಗೆ ಪಣಂಬೂರಿನ ನವಮಂಗಳೂರು ಬಂದರಿನ  ಡಾ| ಬಿ.ಆರ್‌. ಅಂಬೇಡ್ಕರ್‌ಕ್ರೀಡಾಂಗಣದಲ್ಲಿ ಆಯೋಜಿಸಿರುವ ಮಂಗಳೂರು ಪ್ರೀಮಿಯರ್‌ ಲೀಗ್‌ ಕ್ರಿಕೆಟ್‌ ಪಂದ್ಯಾಕೂಟ ಮಂಗಳವಾರ ಉದ್ಘಾಟನೆಗೊಂಡಿತು. ಮಾಜಿ ಕ್ರಿಕೆಟಿಗ ರಘುರಾಮ್‌ ಭಟ್‌ ಈ ಸಂದರ್ಭದಲ್ಲಿ ಉಪಸ್ಥಿತರಿದ್ದರು.

ಮಂಗಳೂರು ಪ್ರೀಮಿಯರ್‌ ಲೀಗ್‌ನ ಪ್ರಥಮ ಪಂದ್ಯದಲ್ಲಿ ಕಳೆದ ಬಾರಿಯ ವಿಜೇತ ಕೋಸ್ಟಲ್‌ ಡೈಜೆಸ್ಟ್‌ ತಂಡವು ಹಿಂದಿನ ಬಾರಿಯ ವಿಜೇತ ತಂಡವಾದ ಬೆದ್ರ ಬುಲ್ಸ್‌ ತಂಡವನ್ನು 33 ರನ್‌ಗಳ ಅಂತರದಿಂದ ಪರಾಜಯಗೊಳಿಸಿತು. ಕೊಸ್ಟಲ್‌ ತಂಡವು 5 ವಿಕೆಟಿಗೆ 169 ರನ್‌ ಗಳಿಸಿದ್ದರೆ ಬೆದ್ರ ತಂಡವು 136  ರನ್ನಿಗೆ ಆಲೌಟಾಯಿತು. ಧಿಕಾಂಕ್ಷು ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದರು.