Bengal Cricket; ನಿವೃತ್ತಿ ವಾಪಾಸ್..: ಮತ್ತೆ ಬಂಗಾಳ ಕ್ರಿಕೆಟ್ ಗೆ ಮರಳಿದ ಮನೋಜ್ ತಿವಾರಿ

Team Udayavani, Aug 8, 2023, 5:26 PM IST

ಕೋಲ್ಕತ್ತಾ: ಕಳೆದ ವಾರವಷ್ಟೇ ಕ್ರಿಕೆಟ್ ಗೆ ವಿದಾಯ ಹೇಳಿದ್ದ ಮನೋಜ್ ತಿವಾರಿ ಅವರು ಮತ್ತೆ ಕ್ರಿಕೆಟ್‌ ಗೆ ಮರಳುತ್ತಿದ್ದಾರೆ. ಬಂಗಾಳ ಕ್ರಿಕೆಟ್‌ ಗಾಗಿ ಆಡಲು ಬಯಸುತ್ತಿರುವ ಕಾರಣ ತಮ್ಮ ನಿವೃತ್ತಿಯ ನಿರ್ಧಾರವನ್ನು ಬದಲಾಯಿಸಿದ್ದಾರೆ ಎಂದು ಹೇಳಿದ್ದಾರೆ.

ಸಿಎಬಿ ಅಧ್ಯಕ್ಷ ಸ್ನೇಹಶಿಶ್ ಗಂಗೂಲಿ ಅವರೊಂದಿಗೆ ಚರ್ಚಿಸಿದ ನಂತರ ಮನೋಜ್ ತಮ್ಮ ನಿರ್ಧಾರವನ್ನು ಬದಲಾಯಿಸಿದರು. ಮನೋಜ್ ಇಂದು ಸಿಎಬಿ ಅಧಿಕಾರಿಗಳೊಂದಿಗೆ ಚರ್ಚೆ ನಡೆಸಲಿದ್ದಾರೆ.

ತಿವಾರಿ ಅವರು ಕಳೆದ ಗುರುವಾರ ನಿವೃತ್ತಿ ಘೋಷಿಸಿದ್ದರು. ಆದರೆ ಈಗ ಸಿಎಬಿ ಮೂಲಗಳ ಪ್ರಕಾರ, ಅವರು ಮತ್ತೆ ಕ್ರಿಕೆಟ್ ಕ್ಷೇತ್ರಕ್ಕೆ ಮರಳಲಿದ್ದಾರೆ.

ಇದನ್ನೂ ಓದಿ:Rahul Gandhi: ಸಂಸದರಾಗಿ ಮರುನೇಮಕಗೊಂಡ ಬೆನ್ನಲ್ಲೇ ಸರ್ಕಾರಿ ಬಂಗಲೆ ಮರಳಿ ಪಡೆದ ರಾಹುಲ್

ಬೆಂಗಾಲ್ ಕ್ರಿಕೆಟ್ ಮಂಡಳಿಯ ಅಧ್ಯಕ್ಷರ ಮನವಿಯ ಕಾರಣದಿಂದ ಮನೋಜ್ ತಿವಾರಿ ಅವರು ತಮ್ಮ ನಿರ್ಧಾರ ಬದಲಿಸಿದ್ದಾರೆಂದು ತಿಳಿದುಬಂದಿದೆ. ಕಳೆದ ವರ್ಷ ಮನೋಜ್ ತಿವಾರಿ ಅವರ ನಾಯಕತ್ವದಲ್ಲಿ ಬೆಂಗಾಲ್ ತಂಡ ರಣಜಿ ಟ್ರೋಫಿ ಫೈನಲ್ ತಲುಪಿತ್ತು.

ಮನೋಜ್ ತಿವಾರಿ ಅನುಭವಿ ಆಟಗಾರನಾಗಿರುವ ಕಾರಣ ಅವರು ತಂಡವನ್ನು ತೊರೆಯುವುದು ಮಧ್ಯಮ ಕ್ರಮಾಂಕದಲ್ಲಿ ನಷ್ಟ ಉಂಟು ಮಾಡಲಿದೆ. ಈ ವಿಚಾರವನ್ನು ಸ್ನೇಹಶಿಶ್ ಗಂಗೂಲಿ ಅವರು ಮನೋಜ್ ತಿವಾರಿಗೆ ಮನವರಿಕೆ ಮಾಡಿದ್ದಾರೆ ಎನ್ನಲಾಗಿದೆ.