ಭಾರತ-ನ್ಯೂಜಿಲ್ಯಾಂಡ್ ಏಕದಿನ: ಅಂತಿಮ ಪಂದ್ಯಕ್ಕೆ ಗಪ್ಟಿಲ್ ಡೌಟ್

Team Udayavani, Feb 2, 2019, 5:07 AM IST

ವೆಲ್ಲಿಂಗ್ಟನ್ : ಭಾರತ ವಿರುದ್ಧದ ಅಂತಿಮ ಏಕದಿನ ಪಂದ್ಯಕ್ಕೆ ನ್ಯೂಜಿಲ್ಯಾಂಡ್ ಆರಂಭಿಕ ಆಟಗಾರ ಮಾರ್ಟಿನ್ ಗಪ್ಟಿಲ್ ಕಣಕ್ಕಿಳಿಯುವುದು ಅನುಮಾನ ಎನ್ನಲಾಗಿದೆ. ಗಪ್ಟಿಲ್ ಬೆನ್ನು ನೋವಿಗೆ ತುತ್ತಾಗಿರುವುದರಿಂದ ಅಂತಿಮ ಪಂದ್ಯಕ್ಕೆ ಬಲಗೈ ಬ್ಯಾಟ್ಸಮನ್ ಆಡುವುದು ಅನುಮಾನವಾಗಿದೆ. 

ವೆಲ್ಲಿಂಗ್ಟನ್ ನಲ್ಲಿ ನಡೆಲಿರುವ ಅಂತಿಮ ಪಂದ್ಯಕ್ಕೆ ಅಭ್ಯಾಸ ನಡೆಸುವ ವೇಳೆ ಗಪ್ಟಿಲ್ ಬೆನ್ನು ನೋವಿಗೆ ಒಳಗಾಗಿದ್ದಾರೆ. ತಂಡಕ್ಕೆ ಕಾಲಿನ್ ಮನ್ರೋ  ಮರು ಸೇರ್ಪಡೆಯಾಗಲಿದ್ದಾರೆ ಎಂದು ಬ್ಲಾಕ್ ಕ್ಯಾಪ್ಸ್ ಟ್ವೀಟ್ ಮಾಡಿದೆ. ಕಾಲಿನ್ ಮನ್ರೋ  ಸೂಪರ್ ಸ್ಮಾಶ್ ಕೂಟಕ್ಕಾಗಿ ತಂಡದಿಂದ ಹೊರಹೋಗಿದ್ದಾರೆ. ಆದರೆ ಈಗ ಮತ್ತೆ ತಂಡಕ್ಕೆ ಮರು ಸೇರ್ಪಡೆಯಾಗಲಿದ್ದಾರೆ. 

ಮಾರ್ಟಿನ್ ಗಪ್ಟಿಲ್ ಪ್ರಸ್ತುತ ಸರಣಿಯಲ್ಲಿ ಕಳಪೆ ಫಾರ್ಮ್ ನಲ್ಲಿದ್ದಾರೆ. ಆಡಿದ ನಾಲ್ಕು ಪಂದ್ಯದಲ್ಲಿ ಒಟ್ಟು ಗಳಿಸಿರುವ ರನ್ ಕೇವಲ 47. ನಾಲ್ಕನೇ ಪಂದ್ಯದಲ್ಲಿ ಮೊದಲ ಎಸೆತವನ್ನೇ ಸಿಕ್ಸರ್ ಬಾರಿಸಿ ನಂತರ ಸತತ ಎರಡು ಎಸೆತವನ್ನು ಬೌಂಡರಿ ಗೆರೆ ಬಾರಿಸಿದ್ದರು. ಆದರೆ ನಾಲ್ಕನೇ ಎಸೆತಕ್ಕೆ ಭುವನೇಶ್ವರ್ ಕುಮಾರ್ ಗೆ ವಿಕೆಟ್ ಒಪ್ಪಿಸಿ ಪೆವಿಲಿಯನ್ ಸೇರಿದ್ದರು.