Javelin; ನೀರಜ್ ಗೆ ಪ್ರಬಲ ಎದುರಾಳಿ; 90.20 ಮೀಟರ್ ಜಾವೆಲಿನ್ ಎಸೆದ 19 ವರ್ಷದ ಡೆಹ್ನಿಂಗ್

Team Udayavani, Feb 26, 2024, 1:11 PM IST

Max Dehning becomes youngest man to throw 90m

ಹಾಲೆ: ಸದ್ಯ ಜಾವೆಲಿನ್ ಥ್ರೋ ಜಗತ್ತಿನಲ್ಲಿ ಸದ್ಯ ಭಾರತದ ತಾರೆ ನೀರಜ್ ಚೋಪ್ರಾ ಮಿಂಚುತ್ತಿದ್ದಾರೆ. ಒಲಿಂಪಿಕ್ಸ್, ಡೈಮಂಡ್ ಲೀಗ್, ಏಶ್ಯನ್ ಗೇಮ್ಸ್ ಸೇರಿದಂತೆ ಹಲವು ಮಹತ್ವದ ಕೂಟಗಳಲ್ಲಿ ಗೆದ್ದು ಕ್ರೀಡಾ ವಿಶ್ವದಲ್ಲಿ ನೀರಜ್ ಹೆಸರು ಮಾಡಿದ್ದಾರೆ. ಇದೀಗ ನೀರಜ್ ಗೆ ಕಠಿಣ ಸ್ಪರ್ಧಿಯಾಗಿ ಜರ್ಮನಿಯ ಹುಡುಗ ಬಂದಿದ್ದಾರೆ. ಅವರೇ 19 ವರ್ಷದ ಮ್ಯಾಕ್ಸ್ ಡೆಹ್ನಿಂಗ್.

19 ವರ್ಷದ ಜರ್ಮನಿಯ ಮ್ಯಾಕ್ಸ್ ಡೆಹ್ನಿಂಗ್ ಹಾಲೆಯಲ್ಲಿ ನಡೆದ ಜರ್ಮನ್ ವಿಂಟರ್ ಥ್ರೋಯಿಂಗ್ ಚಾಂಪಿಯನ್‌ ಶಿಪ್‌ನಲ್ಲಿ ಫೆಬ್ರವರಿ 25 ರಂದು 90.20 ಮೀ ಎಸೆದಿದ್ದಾರೆ. ಡೆಹ್ನಿಂಗ್ ಪುರುಷರ ಜಾವೆಲಿನ್ ಥ್ರೋ ಇತಿಹಾಸದಲ್ಲಿ 90 ಮೀ ಮಾರ್ಕ್ ದಾಟಿದ ಅತ್ಯಂತ ಕಿರಿಯ ವ್ಯಕ್ತಿ. ಅಲ್ಲದೆ ಒಲಿಂಪಿಕ್ಸ್ ವರ್ಷದಲ್ಲಿ ಈ ಗಡಿಯನ್ನು ದಾಟಿದ ಮೊದಲಿಗರು.

ಟ್ರ್ಯಾಕ್ ಮತ್ತು ಫೀಲ್ಡ್ ಸಮುದಾಯದಲ್ಲಿ ಹೊಸ ಸಂಚಲನ ಉಂಟು ಮಾಡಿದ ಮ್ಯಾಕ್ಸ್ ಡೆಹ್ನಿಂಗ್ ಅವರ ಇದುವರೆಗಿನ ಸಾಧನೆ 78.07 ಮೀಟರ್‌ ದೂರ. ಎರಡು ಬಾರಿ U20 ವಿಶ್ವ ಚಾಂಪಿಯನ್‌ ಶಿಪ್‌ ನ ಬೆಳ್ಳಿ ಪದಕ ವಿಜೇತ ಡೆಹ್ನಿಂಗ್ ಅವರು ಭಾನುವಾರ ಜರ್ಮನ್ ವಿಂಟರ್ ಥ್ರೋಯಿಂಗ್ ಚಾಂಪಿಯನ್‌ಶಿಪ್‌ನಲ್ಲಿ ತಮ್ಮ ಮೊದಲ ಪ್ರಯತ್ನದಲ್ಲಿ ಅದ್ಭುತ ಎಸೆತ ಎಸೆದರು.

ಮ್ಯಾಕ್ಸ್ ಡೆಹ್ನಿಂಗ್ ಅವರ 90.20 ಮೀ ಪುರುಷರ ಜಾವೆಲಿನ್ ಇತಿಹಾಸದಲ್ಲಿ ಅತ್ಯುತ್ತಮ ಥ್ರೋಗಳ ಪಟ್ಟಿಯಲ್ಲಿ 22 ನೇ ಸ್ಥಾನದಲ್ಲಿದೆ. ಇದು ಲೆಜೆಂಡರಿ ಜಾನ್ ಝೆಲೆಜ್ನಿ ಅವರ 98.48 ಮೀ ಎಸೆತದಿಂದ ಅಗ್ರಸ್ಥಾನದಲ್ಲಿದೆ.

ಎರಡನೇ ಪ್ರಯತ್ನದಲ್ಲಿ ಡೆಹ್ನಿಂಗ್ ಅವರು 85.54 ಮೀಟರ್ ಜಾವೆಲಿನ್ ಎಸೆದರು. ಎರಡನೇ ಸ್ಥಾನ ಗಳಿಸಿದ ನಿಕೊ ಸೈಕ್ಲಿಸ್ಟ್ ಅವರು 76.56 ಮೀಟರ್ ಎದುರಿಸಿದರು.

ಭಾರತದ ನೀರಜ್ ಚೋಪ್ರಾ ಅವರು ಇದುವರೆಗೂ 90 ಮೀಟರ್ ಮಾರ್ಕ್ ದಾಟಿಲ್ಲ ಎನ್ನುವುದು ಗಮನಿಸಬೇಕಾದ ಅಂಶ.