ಪಾಕ್‌ನಲ್ಲಿ ವಿಶ್ವದ ಲಂಬೂ ಕ್ರಿಕೆಟಿಗ

Team Udayavani, Nov 8, 2019, 4:51 AM IST

ಲಾಹೋರ್‌: ಸಮಕಾಲೀನ ಕ್ರಿಕೆಟಿನ ಅತೀ ಎತ್ತರದ ಆಟಗಾರನೆಂಬ ದಾಖಲೆ ಪಾಕಿಸ್ಥಾನದ ವೇಗಿ ಮೊಹಮ್ಮದ್‌ ಇರ್ಫಾನ್‌ ಹೆಸರಲ್ಲಿದೆ. ಇವರ ಎತ್ತರ 7 ಅಡಿ, 1 ಇಂಚು. ಆದರೀಗ ಇವರ ದಾಖಲೆಗೆ ಪಾಕಿಸ್ಥಾನಿ ಕ್ರಿಕೆಟಿಗನೇ ಸಂಚಕಾರ ತಂದಿದ್ದಾರೆ. ಆದರೆ ಇವರಿನ್ನೂ ಅಂತಾರಾಷ್ಟ್ರೀಯ ಕ್ರಿಕೆಟ್‌ ಪ್ರವೇಶಿಸಿಲ್ಲ. “ಪಾಕಿಸ್ಥಾನ್‌ ಸೂಪರ್‌ ಲೀಗ್‌’ನಲ್ಲಿ ಲಾಹೋರ್‌ ಖಲಂದರ್ ತಂಡವನ್ನು ಪ್ರತಿನಿಧಿಸಲು ಆಹ್ವಾನ ಪಡೆದಿದ್ದಾರೆ. 21ರ ಹರೆಯದ ಸ್ಪಿನ್ನರ್‌ನ ಹೆಸರು ಮುಹಮ್ಮದ್‌ ಮುದಸ್ಸರ್‌. ಎತ್ತರ 7 ಅಡಿ, 5 ಇಂಚು!

ಲಾಹೋರ್‌ನವರಾದ ಮುದಸ್ಸರ್‌ ಬುಧವಾರದಿಂದ ಮೊದಲ್ಗೊಂ ಡ “ಲಾಹೋರ್‌ ಖಲಂದರ್ ಹೈ ಪರ್ಫಾರ್ಮೆನ್ಸ್‌ ಸೆಂಟರ್‌’ನಲ್ಲಿ ಒಂದು ವರ್ಷ ಕಾಲ ತರಬೇತಿ ಪಡೆಯಲಿದ್ದು, ಮುಂದಿನ ಋತುವಿನಿಂದ ಪಿಎಸ್‌ಎಲ್‌ನಲ್ಲಿ ಆಡ ಲಿದ್ದಾರೆ.
“ಪಾಕಿಸ್ಥಾನ ರಾಷ್ಟ್ರೀಯ ತಂಡದ ಪರ ಆಡುವುದು ನನ್ನ ಕನಸು. ಸದ್ಯಕ್ಕೆ ಫಿಟ್‌ನೆಸ್‌ ಓಕೆ. ಆದರೆ ನನ್ನ ಕಾಲಿಗೆ ಶೂ ಸಿಗುವುದೇ ಸಮಸ್ಯೆಯಾಗಿದೆ’ ಎಂಬುದು ಮುದಸ್ಸರ್‌ ಅಳಲು!