IPL Auction; ಬರೋಬ್ಬರಿ 24.75 ಕೋಟಿ ರೂ..; ಕಮಿನ್ಸ್ ದಾಖಲೆ ಮುರಿದ ಮಿಚೆಲ್ ಸ್ಟಾರ್ಕ್

Team Udayavani, Dec 19, 2023, 3:49 PM IST

ದುಬೈ: ಈ ಬಾರಿಯ ಐಪಿಎಲ್ ಹರಾಜು ಹಲವು ದಾಖಲೆಗಳಿಗೆ ಸಾಕ್ಷಿಯಾಗಿದೆ. ಪ್ಯಾಟ್ ಕಮಿನ್ಸ್ ಅವರು 20.50 ಕೋಟಿ ರೂಗೆ ಹೈದರಾಬಾದ್ ತಂಡದ ಪಾಲಾಗಿ ದಾಖಲೆ ಬರೆದರೆ, ಕೆಲವೇ ನಿಮಿಷಗಳಲ್ಲಿ ಮಿಚೆಲ್ ಸ್ಟಾರ್ಕ್ ಅವರು ಈ ದಾಖಲೆ ಮುರಿದಿದ್ದಾರೆ.

ಆಸ್ಟ್ರೇಲಿಯಾದ ಎಡಗೈ ವೇಗದ ಬೌಲರ್ ಮಿಚೆಲ್ ಸ್ಟಾರ್ಕ್ ಅವರು ಬರೋಬ್ಬರಿ 24.75 ಕೋಟಿ ರೂ ಗೆ ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡದ ಪಾಲಾಗಿ ಐಪಿಎಲ್ ದಾಖಲೆ ಬರೆದರು.

ಕಳೆದ ಸೀಸನ್ ನಲ್ಲಿ ಸ್ಯಾಮ್ ಕರ್ರನ್ ಅವರು 18 ಕೋಟಿ ರೂ ಪಡೆದು ದುಬಾರಿ ಆಟಗಾರನಾಗಿದ್ದರು. ಆದರೆ ಇಂದಿನ ಹರಾಜಿನಲ್ಲಿ ಪ್ಯಾಟ್ ಕಮಿನ್ಸ್ ಅವರು 20.50 ಕೋಟಿ ರೂ ಪಡೆದಿದ್ದರು. ಆದರೆ ಕೆಲವೇ ಕ್ಷಣದಲ್ಲಿ ಸ್ಟಾರ್ಕ್ ಈ ದಾಖಲೆ ಮುರಿದಿದ್ದಾರೆ.

The record created not long back is 𝘽𝙍𝙊𝙆𝙀𝙉! 🤯

Most expensive player of all time 👇

P̶a̶t̶ ̶C̶u̶m̶m̶i̶n̶s̶ Mitchell Starc 😎

Mitchell Starc is SOLD to #KKR for INR 24.75 Crore 💜#IPLAuction | #IPL

— IndianPremierLeague (@IPL) December 19, 2023

ಹಲವು ವರ್ಷಗಳ ಬಳಿಕ ಐಪಿಎಲ್ ಆಡಳಿದ ಸ್ಟಾರ್ಕ್ ಗೆ ಆರಂಭದಲ್ಲಿ ಮುಂಬೈ ಮತ್ತು ಡೆಲ್ಲಿ ತಂಡಗಳು ಬಿಡ್ಡಿಂಗ್ ನಡೆಸಿದವು. ಬಳಿಕ ಕೆಕೆಆರ್ ಮತ್ತು ಗುಜರಾತ್ ನಡುವೆ ಯುದ್ದವೇ ನಡೆಯಿತು. ಕೊನೆಗೆ 24.75 ಕೋಟಿ ರೂ ಗೆ ಕೆಕೆಆರ್ ಪಾಲಾದರು.