ಟಿ20 ಲೀಗ್ ನಲ್ಲಿ ಅತೀ ವೇಗದ ಅರ್ಧಶತಕ ದಾಖಲಿಸಿ ಅಬ್ಬರಿಸಿದ ಮೋಯಿನ್ ಅಲಿ: ಇಲ್ಲಿದೆ ವಿಡಿಯೋ

Team Udayavani, Nov 28, 2021, 12:13 PM IST

ಅಬುಧಾಬಿ: ಇಂಗ್ಲೆಂಡ್ ನ ಆಲ್ ರೌಂಡರ್ ಮೋಯಿನ್ ಅಲಿ ಅವರು ಅಬುಧಾಬಿ ಟಿ10 ಲೀಗ್ ನಲ್ಲಿ ಅಬ್ಬರಿಸಿದ್ದಾರೆ. ನಾರ್ಥನ್ ವಾರಿಯರ್ಸ್ ಪರವಾಗಿ ಆಡುವ ಅಲಿ ಟಿ10 ಲೀಗ್ ನ ಅತೀ ವೇಗದ ಅರ್ಧ ಶತಕ ಬಾರಿಸಿದ್ದಾರೆ.

ಟೀಂ ಅಬುಧಾಬಿ ವಿರುದ್ಧ ನಡೆದ ಪಂದ್ಯದಲ್ಲಿ ಕೇವಲ 16 ಎಸೆತಗಳಲ್ಲಿ ಅರ್ಧಶತಕ ಪೂರೈಸಿದ ಮೋಯಿನ್ ಅಲಿ 23 ಎಸೆತದಲ್ಲಿ 77 ರನ್ ಗಳಿಸಿದರು. ಕೆನ್ನಾರ್ ಲೆವಿಸ್ ಜೊತೆಗೆ ಮೋಯಿನ್ ಅಲಿ ಆರಂಭಿಕ ವಿಕೆಟ್ ಗೆ ಮುರಿಯದ 146 ರನ್ ಜೊತೆಯಾಟವಾಡಿದರು.

ಇದನ್ನೂ ಓದಿ:ಗೌತಮ್ ಗಂಭೀರ್ ಗೆ ‘ಐಸಿಸ್ ಕಾಶ್ಮೀರ’ದಿಂದ ಮೂರನೇ ಬೆದರಿಕೆ ಇ-ಮೇಲ್

ತನ್ನ ಸ್ಪೋಟಕ ಇನ್ನಿಂಗ್ಸ್ ನಲ್ಲಿ ಮೋಯಿನ್ ಅಲಿ 9 ಸಿಕ್ಸರ್ ಮತ್ತು ಮೂರು ಬೌಂಡರಿ ಬಾರಿಸಿದರು. ಲೆವಿಸ್ ಆರು ಸಿಕ್ಸರ್ ಮತ್ತು ನಾಲ್ಕು ಬೌಂಡರಿ ಬಾರಿಸಿದರು.

Moeen Ali madness in T10 League – it’s just beautiful to watch him bat. pic.twitter.com/IihnR2Moyw

— Johns. (@CricCrazyJohns) November 28, 2021

ಮೊದಲು ಬ್ಯಾಟಿಂಗ್ ಮಾಡಿದ್ದ ಟೀಂ ಅಬುಧಾಬಿ 10 ಓವರ್ ಗಳಲ್ಲಿ ಆರು ವಿಕೆಟ್ ನಷ್ಟಕ್ಕೆ 145 ರನ್ ಗಳಿಸಿತ್ತು. ನಾರ್ಥನ್ ವಾರಿಯರ್ಸ್ ತಂಡವು ವಿಕೆಟ್ ನಷ್ಟವಿಲ್ಲದೆ 9.1 ಓವರ್ ಗಳಲ್ಲಿ ಗುರಿ ತಲುಪಿತು.