ಮೊಹಾಲಿಯಲ್ಲಿ ವಿರಾಟ್‌ ಕೊಹ್ಲಿ 100ನೇ ಟೆಸ್ಟ್‌?

Team Udayavani, Feb 9, 2022, 8:10 AM IST

ಹೊಸದಿಲ್ಲಿ: ಬೆಂಗಳೂರಿನ “ಎಂ. ಚಿನ್ನಸ್ವಾಮಿ ಸ್ಟೇಡಿಯಂ’ಗೆ ವಿರಾಟ್‌ ಕೊಹ್ಲಿ ಅವರ 100ನೇ ಟೆಸ್ಟ್‌ ಪಂದ್ಯದ ಆತಿಥ್ಯದ ಭಾಗ್ಯ ತಪ್ಪಲಿದೆಯೇ? ಮೂಲವೊಂದರ ಪ್ರಕಾರ, ಪ್ರವಾಸಿ ಶ್ರೀಲಂಕಾ ವಿರುದ್ಧದ ಈ ಪಂದ್ಯ ಮೊಹಾಲಿಯಲ್ಲಿ ನಡೆಯಲಿದೆ.

ಇದೇ ತಿಂಗಳು ಶ್ರೀಲಂಕಾ ತಂಡ ಭಾರತಕ್ಕೆ ಆಗಮಿಸಿ 2 ಟೆಸ್ಟ್‌ ಹಾಗೂ 3 ಟಿ20 ಪಂದ್ಯಗಳಲ್ಲಿ ಪಾಲ್ಗೊಳ್ಳಲಿದೆ. ಇದರ ವೇಳಾಪಟ್ಟಿಯಲ್ಲಿ ಬದಲಾವಣೆ ಆಗಿದೆ. ಮೊದಲು ಟಿ20, ಬಳಿಕ ಟೆಸ್ಟ್‌ ಸರಣಿ ನಡೆಯಲಿದೆ. ಮೊದಲ ಟಿ20 ಫೆ. 24ರಂದು ಲಕ್ನೋದಲ್ಲಿ, ಉಳಿದೆರಡು ಪಂದ್ಯಗಳು ಫೆ. 26 ಮತ್ತು 27ರಂದು ಧರ್ಮಶಾಲಾದಲ್ಲಿ ಏರ್ಪಡಲಿವೆ.

ಪೂರ್ವ ವೇಳಾಪಟ್ಟಿಯಂತೆ ಮೊದಲ ಟೆಸ್ಟ್‌ ಬೆಂಗಳೂರಿನಲ್ಲಿ ನಡೆಯಬೇಕಿತ್ತು. ಆದರೆ ಇದೀಗ ಮೊಹಾಲಿಗೆ ಸ್ಥಳಾಂತರಗೊಂಡಿದೆ (ಮಾ. 3-7). ದ್ವಿತೀಯ ಟೆಸ್ಟ್‌ ಬೆಂಗಳೂರಿನಲ್ಲಿ ಏರ್ಪಡಲಿದೆ (ಮಾ. 12-16). ಹೀಗಾಗಿ ಕೊಹ್ಲಿ ತಮ್ಮ 100ನೇ ಟೆಸ್ಟ್‌ ಪಂದ್ಯವನ್ನು ಬೆಂಗಳೂರಿನಲ್ಲಿ ಆಡುವ ಅವಕಾಶವನ್ನು ಕಳೆದುಕೊಳ್ಳಲಿದ್ದಾರೆ. ಇದು ಡೇ-ನೈಟ್‌ ಟೆಸ್ಟ್‌ ಆಗಿರಲಿದೆ.

ಇದನ್ನೂ ಓದಿ:ಬಿಬಿಸಿ ಕ್ರೀಡಾ ಪ್ರಶಸ್ತಿ: ಐವರು ವನಿತಾ ಆ್ಯತ್ಲೀಟ್‌ಗಳ ನಾಮ ನಿರ್ದೇಶನ

ಆದರೆ ಈ ವೇಳಾಪಟ್ಟಿಯಿನ್ನೂ ಅಧಿಕೃತಗೊಂಡಿಲ್ಲ. ಕೊನೆಯ ಕ್ಷಣದಲ್ಲಿ ಬದಲಾವಣೆ ಸಂಭವಿಸಲೂಬಹುದು ಎಂದೂ ಬಿಸಿಸಿಐ ಮೂಲ ತಿಳಿಸಿದೆ.