‘ನೀವು ಅದನ್ನೊಂದು ಮಾಡಲೇಬಾರದು..’ ಸಿರಾಜ್ ಗೆ ಸಲಹೆ ನೀಡಿದ ಮೊಹಮ್ಮದ್ ಶಮಿ

Team Udayavani, Mar 18, 2023, 6:38 PM IST

ಮುಂಬೈ: ಟೀಂ ಇಂಡಿಯಾದ ವೇಗದ ಬೌಲರ್ ಗಳಾದ ಮೊಹಮ್ಮದ್ ಸಿರಾಜ್ ಮತ್ತು ಮೊಹಮ್ಮದ್ ಶಮಿ ಅವರು ಆಸ್ಟ್ರೇಲಿಯಾ ವಿರುದ್ಧದ ಮೊದಲ ಏಕದಿನ ಪಂದ್ಯದಲ್ಲಿ ತಲಾ ಮೂರು ವಿಕೆಟ್ ಪಡೆದು ಮಿಂಚಿದರು. ಆಸೀಸ್ ತಂಡದ ಕುಸಿತದಲ್ಲಿ ಈ ಇಬ್ಬರು ವೇಗಿಗಳು ಪ್ರಮುಖ ಪಾತ್ರ ವಹಿಸಿದರು.

ಪಂದ್ಯ ಮುಗಿದ ಬಳಿಕ ಸಿರಾಜ್ ಮತ್ತು ಶಮಿ ಅವರು ಸಿರಾಜ್ ಅವರ ಸಂಭ್ರಮಾಚರಣೆಯ ಶೈಲಿಯ ಬಗ್ಗೆ ಮಾತನಾಡಿದರು.

“ನನಗೊಂದು ಪ್ರಶ್ನೆ ಇದೆ. ನಿಮ್ಮ ಸಂಭ್ರಮಾಚರಣೆಯ ಹಿಂದಿನ ರಹಸ್ಯವೇನು?” ಎಂದು ಶಮಿ ಅವರು ಸಿರಾಜ್ ರನ್ನು ಕೇಳಿದರು.

ಇದನ್ನೂ ಓದಿ:ಭಾರತದಲ್ಲಿ 4 ತಿಂಗಳುಗಳಲ್ಲೇ ಗರಿಷ್ಠ ದೈನಂದಿನ ಕೋವಿಡ್ ಪ್ರಕರಣಗಳ ವರದಿ

“ನನ್ನು ಸೆಲೆಬ್ರೇಷನ್ ತುಂಬಾ ಸರಳ. ನಾನು ಕ್ರಿಸ್ಟಿಯಾನೋ ರೊನಾಲ್ಡೊ ಅವರ ಅಭಿಮಾನಿ. ಆದ್ದರಿಂದ ನಾನು ಅವರನ್ನು ಅನುಸರಿಸಲು ಪ್ರಯತ್ನ ಮಾಡುತ್ತೇನೆ. ನಾನು ವಿಕೆಟ್ ಪಡೆದಾಗ ಆ ಶೈಲಿಯಲ್ಲಿ ಸೆಲೆಬ್ರೆಟ್ ಮಾಡುತ್ತೇನೆ” ಎಂದರು.

ಇದನ್ನು ಕೇಳಿದ ಶಮಿ ಅವರು ತನ್ನ ಕಿರಿಯ ಸಹ ಆಟಗಾರನಿಗೆ ಒಂದು ಸಲಹೆ ನೀಡಿದ್ದಾರೆ. “ನಾನು ನಿಮಗೆ ಸಲಹೆ ನೀಡಲು ಬಯಸುತ್ತೇನೆ. ನೀವು ಯಾರೊಬ್ಬರ ಅಭಿಮಾನಿಯಾಗಿರುವುದು ಒಳ್ಳೆಯದು. ಆದರೆ ವೇಗದ ಬೌಲರ್ ಆಗಿ ನೀವು ಅಂತಹ ಜಿಗಿತಗಳಿಂದ ದೂರವಿರಬೇಕು” ಎಂದಿದ್ದಾರೆ.