ಮೊಹಮ್ಮದ್‌ ಶಮಿ ವಿರುದ್ಧ  ಪತ್ನಿ ಹಸಿನ್‌ ಜಹಾನ್‌ ಆಕ್ರೋಶ

Team Udayavani, Mar 21, 2018, 10:30 AM IST

ಕೋಲ್ಕತಾ: ಭಾರತ ಕ್ರಿಕೆಟ್‌ ತಂಡದ ವೇಗದ ಬೌಲರ್‌ ಮೊಹಮ್ಮದ್‌ ಶಮಿ ಹಾಗೂ ಅವರ ಪತ್ನಿ ಹಸಿನ್‌ ಜಹಾನ್‌ ನಡುವಿನ ಜಗಳ ತಾರಕಕ್ಕೇರಿದೆ. ಇನ್ನೂ ತೆರೆ ಬೀಳುವ ಯಾವುದೇ ಸೂಚನೆಗಳು ಗೋಚರಿಸುತ್ತಿಲ್ಲ. ತನಗೂ ಮೊಹಮ್ಮದ್‌ ಶಮಿಗೂ ಯಾವುದೇ ಸಂಬಂಧವಿಲ್ಲ. ಅವರಿಂದ ನಾನು ಹಣವನ್ನು ಪಡೆದೇ ಇಲ್ಲ ಎಂದು ಪಾಕ್‌ ಯುವತಿ ಅಲಿಶಾº ಹೇಳಿಕೆ ನೀಡಿದ ಬೆನ್ನಲ್ಲೇ ಮೊಹಮ್ಮದ್‌ ಶಮಿ ಪತ್ನಿ ಹಸಿನ್‌ ಕೆಂಡವಾಗಿದ್ದಾರೆ.

ಇದೆಲ್ಲ ನಾಟಕ. ಅಲಿಶಾº -ಶಮಿ ನಡುವೆ ಸಂಬಂಧ ಇದೆ. ಉದ್ದೇಶ ಪೂರ್ವಕವಾಗಿಯೇ ಇವರಿಬ್ಬರು ದುಬೈನಲ್ಲಿ ಭೇಟಿಯಾಗಿದ್ದಾರೆ. ಇಬ್ಬರು ಒಟ್ಟಿಗೆ ಕಾಲ ಕಳೆದಿದ್ದಾರೆ. ನನ್ನ ಕೌಟುಂಬಿಕ ಜೀವನವನ್ನೇ ಹಾಳು ಮಾಡಿದವಳು. ಪತಿಯ ಜತೆ ಆಕೆಯ ಸರಸ ಸಲ್ಲಾಪದ ಬಗ್ಗೆ ನನಗೆ ಮೊದಲೇ ಗೊತ್ತಿತ್ತು. ಹೀಗಾಗಿ ಅಲಿಶಾºಗೆ ಎಚ್ಚರಿಕೆಯನ್ನೂ ನೀಡಿದ್ದೆ. ಆದರೆ ನನ್ನ ಕಣ್ತಪ್ಪಿಸಿ ಇಬ್ಬರು ದುಬೈನಲ್ಲಿ ಭೇಟಿಯಾಗಿದ್ದಾರೆ. ಇಷ್ಟೆಲ್ಲ ಮಾಡಿದ ಶಮಿಯನ್ನು ಕ್ಷಮಿಸಬಾರದು. ಆತನನ್ನು ಹಾಗೂ ಆತನ ಕುಟುಂಬವನ್ನು ಬಂಧಿಸಿ ನನಗೆ ನ್ಯಾಯ ದೊರಕಿಸಿಕೊಡಿ ಎಂದು ಹಸಿನ್‌ ಪೊಲೀಸರನ್ನು ಒತ್ತಾಯಿಸಿದ್ದಾರೆ. ಶಮಿ ದಕ್ಷಿಣ ಆಫ್ರಿಕಾ ಪ್ರವಾಸದ ಬಳಿಕ ದುಬೈಗೆ ತೆರಳಿ ಪಾಕ್‌ ಯುವತಿಯನ್ನು ಭೇಟಿಯಾಗಿದ್ದರು.