ಶಮಿ ಪತ್ನಿ ರಾದ್ಧಾಂತ

Team Udayavani, Apr 30, 2019, 9:29 AM IST

ಲಕ್ನೊ: ವೇಗಿ ಮೊಹಮ್ಮದ್‌ ಶಮಿ ಕುಟುಂಬದಲ್ಲಿ ಮತ್ತೂಂದು ಬಿರುಗಾಳಿ ಎದ್ದಿದೆ. ರವಿವಾರ ರಾತ್ರಿ ಉತ್ತರಪ್ರದೇಶದ ಅನ್ರೋಹಾ ದಲ್ಲಿರುವ ಶಮಿಯ ಮನೆಗೆ ತೆರಳಿದ ಪತ್ನಿ ಹಸಿನ್‌ ಜಹಾನ್‌, ಅಲ್ಲಿ ಗಲಾಟೆಯೆಬ್ಬಿಸಿದ್ದಾರೆ. ಕೋಣೆ ಯೊಂದರಲ್ಲಿ ತನ್ನ ಮಗುವಿನೊಂದಿಗೆ ಬಾಗಿಲು ಹಾಕಿಕೊಂಡ ಅವರನ್ನು ಪೊಲೀಸರು ವಶಕ್ಕೆ ತೆಗೆದುಕೊಂಡು ಬಳಿಕ ಬಿಡುಗಡೆ ಮಾಡಿದ್ದಾರೆ.

ಈಗಾಗಲೇ ಹಸಿನ್‌, ಪತಿ ಶಮಿ ವಿರುದ್ಧ ವರದಕ್ಷಿಣೆ, ಗೃಹ ಹಿಂಸೆ, ಮ್ಯಾಚ್‌ ಫಿಕ್ಸಿಂಗ್‌ನಂತಹ ಗಂಭೀರ ಆರೋಪಗಳನ್ನು ಮಾಡಿದ್ದಾರೆ. ಪೊಲೀಸರು ವರದಕ್ಷಿಣೆ ಕಿರುಕುಳ, ಲೈಂಗಿಕ ಕಿರುಕುಳ ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ಶಮಿ ಪ್ರತೀ ತಿಂಗಳು 7 ಲಕ್ಷ ರೂ. ಪರಿಹಾರ ನೀಡಬೇಕು ಎಂದು ಹಸಿನ್‌ ಆಗ್ರಹಿಸಿದ್ದಾರೆ.