ಇನ್‌ಸ್ಟಾಗ್ರಾಂನಲ್ಲಿ ಚಿಟ್‌ಚಾಟ್‌!:ವಿವಾದಕ್ಕೆ ತೆರೆ ಎಳೆದ ಧೋನಿ-ಯುವಿ

Team Udayavani, Jan 12, 2017, 4:27 PM IST

ನವದೆಹಲಿ: ಭಾರತ ಕ್ರಿಕೆಟ್‌ ತಂಡದ ಮಾಜಿ ನಾಯಕ ಎಂ.ಎಸ್‌.ಧೋನಿ ಜತೆ ಹರಟೆ ಹೊಡೆಯುತ್ತಿರುವ ವೀಡಿಯೋ ತುಣುಕೊಂದನ್ನು ಸಾಮಾಜಿಕ ಜಾಲತಾಣದಲ್ಲಿ ಕ್ರಿಕೆಟಿಗ ಯುವರಾಜ್‌ ಸಿಂಗ್‌ ಅಪ್‌ಲೋಡ್‌ ಮಾಡಿದ್ದಾರೆ. ಇದರೊಂದಿಗೆ ಬಹುಕಾಲದ ಇಬ್ಬರು ಗೆಳೆಯರು ಮತ್ತೆ ಹತ್ತಿರವಾಗಿದ್ದಾರೆ. ನಮ್ಮಲ್ಲಿ ಯಾವುದೇ ವಿವಾದ, ವೈಷಮ್ಯಗಳಿಲ್ಲ ಎನ್ನುವ ಸಂದೇಶವನ್ನು ಜತೆಯಾಗಿಯೇ ಸಾರಿ ಎಲ್ಲ ವಿವಾದಗಳಿಗೆ ತೆರೆ ಎಳೆದಿದ್ದಾರೆ.

„ ಏನಿದೆ ವೀಡಿಯೋದಲ್ಲಿ?
ಮಂಗಳವಾರ ಇಂಗ್ಲೆಂಡ್‌ ವಿರುದ್ಧ ನಡೆದ 1ನೇ ಅಭ್ಯಾಸ ಪಂದ್ಯದ ನಂತರ ಯುವಿ,ಧೋನಿ ಹೆಗಲ ಮೇಲೆ ಕೈಹಾಕಿಡೊಂಡು ವೀಡಿಯೋವನ್ನು ಮಾಡಿದ್ದಾರೆ. ಸುಮಾರು 1 ನಿಮಿಷಕ್ಕೂ ಹೆಚ್ಚು ಅವಧಿಯಲ್ಲಿ ಈ ವೀಡಿಯೋ ಮಾಡಲಾಗಿದೆ. ವೀಡಿಯೋದಲ್ಲಿ ಯುವರಾಜ್‌ ಸಿಂಗ್‌ ಧೋನಿಗೆ ಕೆಲ ಪ್ರಶ್ನೆಗಳನ್ನು ಕೇಳಿದ್ದಾರೆ. ಅದಕ್ಕೆ ಧೋನಿ ಬಹಳ ಸರಳವಾಗಿ ಉತ್ತರ ನೀಡಿದ್ದಾರೆ.

ಟಿ20 ವಿಶ್ವಕಪ್‌ ಸಂದರ್ಭದಲ್ಲಿ ಇಂಗ್ಲೆಂಡ್‌ನ‌ ಸ್ಟುವರ್ಟ್‌ ಬ್ರಾಡ್‌ರ ಒಂದೇ ಓವರ್‌ ನಲ್ಲಿ ಯುವಿ 6 ಸಿಕ್ಸ್‌ ಬಾರಿಸಿದ್ದನ್ನು ಮಜಾ ಮಾಡಿದ್ದೇನೆ. 10 ವರ್ಷದ ಜರ್ನಿಯಲ್ಲಿ ಯುವಿಯೊಂದಿಗೆ ಹಲವು ಸಂತಸದ ಕ್ಷಣಗಳನ್ನು ಕಳೆದಿದ್ದೇನೆ ಎಂದು ಧೋನಿ ಹೇಳಿಕೊಂಡಿದ್ದಾರೆ. ಅದೇ ರೀತಿಯಲ್ಲಿ ಯುವಿ ಕೂಡ ಧೋನಿ ಗುಣಗಾನ ಮಾಡಿದ್ದಾರೆ. ಧೋನಿ ಒರ್ವ ಅದ್ಭುತ ನಾಯಕ. ಭಾರತಕ್ಕೆ ಇವರು ಎರಡು ವಿಶ್ವಕಪ್‌ ತಂದುಕೊಟ್ಟಿದ್ದಾರೆ. ತಂಡ ನಂ.1 ಶ್ರೇಯಾಂಕಕ್ಕೇರಲು ಸಾಕಷ್ಟು ಶ್ರಮಿಸಿದ್ದಾರೆ ಎಂದು ಧೋನಿಯನ್ನು ಯುವರಾಜ್‌ ಹಾಡಿ ಹೊಗಳಿದ್ದಾರೆ.

ಕಳೆದ ಕೆಲ ವರ್ಷಗಳಿಂದ ಧೋನಿ ಮತ್ತು ಯುವರಾಜ್‌ ನಡುವೆ ಸಂಬಂಧ ಸರಿಯಿಲ್ಲ ಎನ್ನುವ ಸುದ್ದಿ ಮಾಧ್ಯಮ, ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದ್ದವು. ಅದಕ್ಕೆ ಪುಷ್ಠಿ ನೀಡುವಂತೆಧೋನಿ ನಾಯಕತ್ವದಲ್ಲಿದ್ದಾಗ ಯುವಿ ದೀರ್ಘ‌ಕಾಲ ತಂಡದಿಂದ ಹೊರ ಹೋಗಿದ್ದನ್ನು ಸ್ಮರಿಸಿಕೊಳ್ಳಬಹುದು.