ವಿಜಯ್‌ ಹಜಾರೆ: ತಮಿಳುನಾಡು ತಂಡದಿಂದ ವಿಜಯ್‌ ಔಟ್‌

Team Udayavani, Feb 10, 2018, 6:30 AM IST

ಚೆನ್ನೈ: ವಿಜಯ್‌ ಹಜಾರೆ ಏಕದಿನ ಟ್ರೋಫಿ ಮುಂದಿನ ಮೂರು ಪಂದ್ಯಕ್ಕೆ ಅನುಭವಿ ಆಟಗಾರ ಮುರಳಿ ವಿಜಯ್‌ ಅವರನ್ನು ತಮಿಳುನಾಡು ತಂಡದಿಂದ ಕೈಬಿಡಲಾಗಿದೆ. ವಿಜಯ್‌ ಫೆ.8 ರಂದು ನಡೆದ ಮುಂಬೈ ವಿರುದ್ಧದ ಪಂದ್ಯಕ್ಕೆ ಗೈರಾಗಿದ್ದರು.

ಭಾರತ ತಂಡದ ಆರಂಭಿಕ ಆಟಗಾರನಾಗಿರುವ ಮುರಳಿ ವಿಜಯ್‌ ವಿಜಯ್‌ ಹಜಾರೆ ಟ್ರೋಫಿಯ ಮೊದಲ ಎರಡು ಪಂದ್ಯದಲ್ಲಿ ಉತ್ತಮ ಪ್ರದರ್ಶನ ನೀಡಿದ್ದರು. ಆದರೆ ಭುಜದ ನೋವಿನಿಂದಾಗಿ ಮುಂಬೈ ವಿರುದ್ಧದ ಪಂದ್ಯಕ್ಕೆ ಗೈರಾಗಿದ್ದರು ಎನ್ನಲಾಗಿದೆ. ಫಿಟೆ°ಸ್‌ ಸಮಸ್ಯೆಯ ಹಿನ್ನೆಲೆಯಲ್ಲಿ ತಮಿಳುನಾಡು ತಂಡ ವಿಜಯ್‌ ಅವರನ್ನು ಮುಂದಿನ ಮೂರು ಪಂದ್ಯದಿಂದ ಕೈಬಿಟ್ಟಿದೆ.

ವಿಜಯ್‌ ದಕ್ಷಿಣ ಆಫ್ರಿಕಾ ವಿರುದ್ಧ ನಡೆದ ಮೂರು ಪಂದ್ಯಗಳ ಟೆಸ್ಟ್‌ ಸರಣಿಯಲ್ಲಿ 6 ಇನಿಂಗ್ಸ್‌ನಿಂದ ಕೇವಲ 102 ರನ್‌ ಬಾರಿಸಿದ್ದರು. ವಿಜಯ್‌ ಈ ಬಾರಿ ಐಪಿಎಲ್‌ ಹರಾಜಿನಲ್ಲಿ 2 ಕೋಟಿ ರೂ.ಗೆ ಚೆನ್ನೈ ಸೂಪರ್‌ ಕಿಂಗ್ಸ್‌ ತಂಡಕ್ಕೆ ಹರಾಜಾಗಿದ್ದಾರೆ. ನಾಯಕನಾಗಿ ವಿಜಯ್‌ ಶಂಕರ್‌ ತಮಿಳುನಾಡು ತಂಡವನ್ನು ಮುನ್ನಡೆಸುತ್ತಿದ್ದಾರೆ.