National Badminton: ರೋಣಕ್‌ ಚೌಹಾಣ್‌ ಸೆಮಿಗೆ

Team Udayavani, Dec 23, 2024, 12:40 AM IST

ಬೆಂಗಳೂರು: ಛತ್ತೀಸ್‌ಗಢದ ರೋಣಕ್‌ ಚೌಹಾಣ್‌ ಮತ್ತು ತಮಿಳುನಾಡಿನ ಆದರ್ಶಿನಿ ಶ್ರೀ ಅವರು ಉತ್ತಮ ನಿರ್ವಹಣೆ ನೀಡಿ ಸೀನಿಯರ್‌ ರಾಷ್ಟ್ರೀಯ ಬ್ಯಾಡ್ಮಿಂಟನ್‌ ಕೂಟದಲ್ಲಿ ಸೆಮಿಫೈನಲ್‌ ತಲುಪಿದ್ದಾರೆ.

ಚೌಹಾಣ್‌ ಅವರು 14ನೇ ಶ್ರೇಯಾಂಕದ ಅಲಪ್‌ ಮಿಶ್ರಾ ಅವರನ್ನು ಕ್ವಾರ್ಟರ್‌ಫೈನಲ್‌ ಪಂದ್ಯದಲ್ಲಿ 21-10, 21-16 ಗೇಮ್‌ಗಳಿಂದ ಸೋಲಿಸಿದರು. ಮಿಶ್ರಾ ಅವರು ಬೆಳಗ್ಗೆ ನಡೆದ ಪಂದ್ಯದಲ್ಲಿ ದ್ವಿತೀಯ ಶ್ರೇಯಾಂಕದ ಆಯುಷ್‌ ಶೆಟ್ಟಿ ಅವರನ್ನು ಕೆಡಹಿದ್ದರು. ಆದರೆ ಕ್ವಾರ್ಟರ್‌ಫೈನಲ್‌ನಲ್ಲಿ ಅವರ ಆಟ ಯಾವುದೇ ಫ‌ಲ ಕಾಣಲಿಲ್ಲ.

ವನಿತೆಯರ ಕ್ವಾರ್ಟರ್‌ಫೈನಲ್‌ ಪಂದ್ಯದಲ್ಲಿ ಆದರ್ಶಿನಿ ಶ್ರೀ ಅವರು ಶ್ರೇಯಾ ಲೀಲೆ ಅವರನ್ನು 23-21, 21-12 ಗೇಮ್‌ಗಳಿಂದ ಕೆಡಹಿದರು.

ಸೆಮಿಫೈನಲ್‌ನಲ್ಲಿ ಚೌಹಾಣ್‌ ಅವರು ಮಾಜಿ ರಾಷ್ಟ್ರೀಯ ಚಾಂಪಿಯನ್‌ ಮಿಥುನ್‌ ಮುಂಜುನಾಥ್‌ ಅವರನ್ನು ಎದುರಿಸಲಿದ್ದಾರೆ. ಅವರು ಇನ್ನೊಂದು ಪಂದ್ಯದಲ್ಲಿ ಶಂಕರ್‌ ಸಾರಸ್ವತ್‌ ಅವರನ್ನು 21-9, 21-9 ಗೇಮ್‌ಗಳಿಂದ ಕೆಡಹಿದ್ದರು. ಇದೇ ವೇಳೆ ಆದರ್ಶಿನಿ ಶ್ರೀ ಅವರು ದೇವಿಕಾ ಸಿಹಾಗ್‌ ಅವರನ್ನು ಎದುರಿಸಲಿದ್ದಾರೆ. ಸಿಹಾಗ್‌ ಇನ್ನೊಂದು ಪಂದ್ಯದಲ್ಲಿ ರುಜುಲಾ ರಾಮು ಅವರನ್ನು ಸೋಲಿಸಿದ್ದರು.