ವಾಯುಮಾಲಿನ್ಯವಿದ್ದರೂ ದೆಹಲಿಯಲ್ಲೇ ನಡೆಯಲಿದೆ ಇಂಡೋ-ಬಾಂಗ್ಲಾ ಪಂದ್ಯ

Team Udayavani, Oct 28, 2019, 12:57 PM IST

ಹೊಸದಿಲ್ಲಿ: ತೀವ್ರ ವಾಯು ಮಾಲಿನ್ಯಕ್ಕೆ ಒಳಗಾಗಿರುವ ಹೊಸದಿಲ್ಲಿಯಲ್ಲಿ ದೀಪಾವಳಿಯ ಬಳಿಕವಂತೂ ಪರಿಸ್ಥಿತಿ ಮತ್ತಷ್ಟು ಹದಗೆಟ್ಟಿದೆ. ಈ ನಡುವೆ ನವೆಂಬರ್ 3ರಂದು ದಿಲ್ಲಿ ಮೈದಾನದಲ್ಲಿ ನಡೆಯಲಿರುವ ಬಾಂಗ್ಲಾ ವಿರುದ್ಧದ ಟಿ – ಟ್ವೆಂಟಿ ಪಂದ್ಯಕ್ಕೆ ಮಾಲಿನ್ಯ ನಿಯಂತ್ರಣ ಮಂಡಳಿ ಅನುಮತಿ ನೀಡಿದೆ.

ಹೊಸದಿಲ್ಲಿಯ ವಾಯು ಮಾಲಿನ್ಯ ಪರಿಸ್ಥಿತಿ ಶೊಚನೀಯವಾಗಿದೆ. ಅದರಲ್ಲೂ ದೀಪಾವಳಿಯ ಸಮಯವಾದರಿಂದ ಮಾಲಿನ್ಯ ಪ್ರಮಾಣ ಮತ್ತಷ್ಟು ಹೆಚ್ಚಾಗುತ್ತಿದೆ. ದೀಪಾವಳಿ ಕಳೆದು ಕೆಲವೇ ದಿನಗಳಲ್ಲಿ ಯೋಜನೆಗೊಂಡಿರುವ ಈ ಪಂದ್ಯವನ್ನು ಬೇರೆಡೆ ಸ್ಥಳಾಂತರಿಸಬೇಕೆಂದು ಹಲವರು ಆಗ್ರಹಿಸಿದ್ದರು.

ಆದರೆ ನಾವು ದಿಲ್ಲಿ ಮಾಲಿನ್ಯ ನಿಯಂತ್ರಣ ಮಂಡಳಿಯ ಬಳಿ ಅನುಮತಿ ಕೇಳಿದ್ದೇವೆ. ಮಂಡಳಿಯು ಅಂದು ಪಂದ್ಯ ನಡೆಸಲು ಅನುಮತಿ ನೀಡಿದೆ ಎಂದು ಬಿಸಿಸಿಐ ಮೂಲಗಳು ತಿಳಿಸಿವೆ.