ಪ್ರಿಯಾಗೆ ಧೋನಿ ಅಂದರೆ ಪಂಚಪ್ರಾಣ

Team Udayavani, Feb 21, 2018, 6:35 AM IST

ಕೊಚ್ಚಿ: ಕಣ್‌ ಹೊಡೆದು ಪಡ್ಡೆ ಹುಡುಗರ ನಿದ್ರೆ ಕೆಡಿಸಿರುವ ಮಲೆಯಾಳಂ ಸಿನಿಮಾ ನಟಿ ಪ್ರಿಯಾ ಪ್ರಕಾಶ್‌ ವಾರಿಯರ್‌
ಗೆ ಆ ದಿಗ್ಗಜ ಕ್ರಿಕೆಟರ್‌ ಎಂದರೆ ಪಂಚಪ್ರಾಣವಂತೆ. ಸ್ವತಃ ಕಣ್‌ ಹೊಡೆಯೋ ಹುಡುಗಿ ಪ್ರಿಯಾ ಅವರೇ ಇದನ್ನು
ಹೇಳಿದ್ದಾರೆ.

ಆ ಕ್ರಿಕೆಟರ್‌ ಯಾರು ಗೊತ್ತಾ? ಭಾರತ ಕ್ರಿಕೆಟ್‌ ತಂಡದ ಮಾಜಿ ನಾಯಕ ಮಹೇಂದ್ರ ಸಿಂಗ್‌ ಧೋನಿ. ಟೀವಿ ಸಂದರ್ಶನವೊಂದರಲ್ಲಿ ಈ ವಿಷಯವನ್ನು ಪ್ರಿಯಾ ಹೇಳಿದ್ದಾರೆ. ಇತ್ತೀಚೆಗೆ ಅವರು ನಟಿಸಿದ್ದ ಒರು ಆಡಾರ್‌ ಲವ್‌ ಸಿನಿಮಾದಲ್ಲಿ ಅವರು ಪ್ರಿಯಾ ಕಣ್‌ ಹೊಡೆದ ವಿಡಿಯೊ ವೈರಲ್‌ ಆಗಿತ್ತು. ಭಾರತದಲ್ಲಿ ಮಾತ್ರವಲ್ಲ ವಿಶ್ವದಲ್ಲೇ ಅಧಿಕ ವೀಕ್ಷಣೆಗೆ ಕಾರಣವಾಗಿತ್ತು. ಪ್ರಿಯಾ ಹಗಲು-ರಾತ್ರಿಯಾಗುವುದರೊಳಗೆ ಸಾಮಾಜಿಕ ಜಾಲತಾಣದಲ್ಲಿ ಅಧಿಕ ಲೈಕ್ಸ್‌, ಕಾಮೆಂಟ್ಸ್‌ ಪಡೆದ ದಿಗ್ಗಜರ ಸಾಲಿನಲ್ಲಿ ನಿಂತಿದ್ದಳು ಎನ್ನುವುದು ವಿಶೇಷ.