ಮತ್ತೆ ಪಾಕಿಸ್ಥಾನಕ್ಕೆ ಬರಲಿದೆ ಕಿವೀಸ್‌ ಕ್ರಿಕೆಟ್‌ ತಂಡ

Team Udayavani, Dec 20, 2021, 9:30 PM IST

ಕರಾಚಿ: ಈ ವರ್ಷ ಪಾಕಿಸ್ತಾನಕ್ಕೆ ಆಗಮಿಸಿಯೂ ಕ್ರಿಕೆಟ್‌ ಸರಣಿಯನ್ನು ಆಡದೇ ವಾಪಸಾದ ನ್ಯೂಜಿಲೆಂಡ್‌ ತಂಡದ ಪರಿಷ್ಕೃತ ವೇಳಾಪಟ್ಟಿ ಪ್ರಕಟಗೊಂಡಿದೆ.

ಕಿವೀಸ್‌ ಪಡೆ 2022ರ ಅಂತ್ಯದಲ್ಲಿ ಪಾಕಿಸ್ತಾನಕ್ಕೆ ಆಗಮಿಸಿ ಎರಡು ಹಂತಗಳಲ್ಲಿ ಸರಣಿಯನ್ನು ಮುಂದುವರಿಸಲಿದೆ. ಒಟ್ಟಾರೆ ಈ ವರ್ಷ ದಿಢೀರನೆ ರದ್ದು ಮಾಡಿದ್ದ ಸರಣಿಗೆ ಪರಿಹಾರದಂತೆ ನ್ಯೂಜಿಲೆಂಡ್‌ ಪ್ರವಾಸ ಮಾಡಲಿದೆ.

ಈ ವರ್ಷದ ಪ್ರವಾಸದಲ್ಲಿ ಪಾಕಿಸ್ತಾನ-ನ್ಯೂಜಿಲೆಂಡ್‌ ನಡುವೆ ಸೀಮಿತ ಓವರ್‌ಗಳ 10 ಪಂದ್ಯ ನಡೆಯಬೇಕಿತ್ತು. 2022-23ರಲ್ಲಿ 2 ಟೆಸ್ಟ್‌ ಹಾಗೂ 3 ಏಕದಿನ ಪಂದ್ಯಗಳನ್ನು ಆಡಲಿದೆ.

ಇದನ್ನೂ ಓದಿ:ಹಿಂದಿ ವಿರೋಧಿಸುವವರು, ಉರ್ದು ಬರೆದರೆ ಪ್ರಶ್ನಿಸಲ್ಲ: ಬಸನಗೌಡ ಪಾಟೀಲ್‌ ಯತ್ನಾಳ್‌

ಇದು ಐಸಿಸಿ ಟೆಸ್ಟ್‌ ಚಾಂಪಿಯನ್‌ಶಿಪ್‌ ಹಾಗೂ ಕ್ರಿಕೆಟ್‌ ವರ್ಲ್ಡ್ಕಪ್‌ ಸೂಪರ್‌ ಲೀಗ್‌ ವ್ಯಾಪ್ತಿಗೆ ಬರಲಿದೆ. ಬಳಿಕ 2023ರ ಏಪ್ರಿಲ್‌ನಲ್ಲಿ ಮತ್ತೆ ಪಾಕಿಸ್ತಾನಕ್ಕೆ ಪ್ರವಾಸ ಕೈಗೊಳ್ಳಲಿರುವ ನ್ಯೂಜಿಲೆಂಡ್‌ ತಂಡ 5 ಏಕದಿನ ಹಾಗೂ 5 ಟಿ20 ಪಂದ್ಯಗಳ ಸರಣಿಗಳಲ್ಲಿ ಪಾಲ್ಗೊಳ್ಳಲಿದೆ. ಪಿಸಿಬಿ ಅಧ್ಯಕ್ಷ ರಮೀಜ್‌ ರಾಜ ಸೋಮವಾರ ಇದನ್ನು ಪ್ರಕಟಿಸಿದರು.