T20; ನ್ಯೂಜಿಲ್ಯಾಂಡ್ ನಲ್ಲಿ ಮೊದಲ ಟಿ 20 ಗೆಲುವು ಸಾಧಿಸಿದ ಬಾಂಗ್ಲಾದೇಶ

Team Udayavani, Dec 27, 2023, 4:41 PM IST

ನೇಪಿಯರ್ : ಕೆಲವು ದಿನಗಳ ಹಿಂದಷ್ಟೇ ನ್ಯೂಜಿಲ್ಯಾಂಡ್ ನಲ್ಲಿ ತಮ್ಮ ಮೊದಲ ಏಕದಿನ ಪಂದ್ಯದ ಗೆಲುವನ್ನು ಸಾಧಿಸಿದ್ದ ಬಾಂಗ್ಲಾದೇಶ ತಂಡ ತಮ್ಮ ಮೊದಲ ಟಿ 20 ಗೆಲುವನ್ನು ಬುಧವಾರ ದಾಖಲಿಸಿದೆ.

3 ಟಿ 20 ಪಂದ್ಯಗಳ ಸರಣಿಯ ಮೊದಲ ಪಂದ್ಯದಲ್ಲಿ ಬಾಂಗ್ಲಾದೇಶ ಟಾಸ್ ಗೆದ್ದು ಬೌಲಿಂಗ್ ಆಯ್ಕೆ ಮಾಡಿಕೊಂಡು ನ್ಯೂಜಿಲ್ಯಾಂಡ್ ತಂಡದ 9 ವಿಕೆಟ್ ಗಳನ್ನು ಕಿತ್ತು 134 ರನ್ ಗಳಿಗೆ ನಿಯಂತ್ರಿಸಿತು. ಬಿಗಿ ದಾಳಿ ನಡೆಸಿದ ಮಹೇದಿ ಹಸನ್ 2 ವಿಕೆಟ್ ಕಿತ್ತರು. ಶೋರಿಫುಲ್ ಇಸ್ಲಾಂ3, ಮುಸ್ತಫಿಜುರ್ 2, ತಂಜಿಮ್ ಹಸನ್ ಸಾಕಿಬ್ ಮತ್ತು ರಿಶಾದ್ ಹೊಸೈನ್ ತಲಾ 1 ವಿಕೆಟ್ ಕಿತ್ತರು. ನ್ಯೂಜಿಲ್ಯಾಂಡ್ ಪರ ನೀಶಮ್ 48 ರನ್ ಮತ್ತು ನಾಯಕ ಸ್ಯಾಂಟ್ನರ್ 23 ಗರಿಷ್ಠ ಸ್ಕೋರ್.

ಗುರಿ ಬೆನ್ನಟ್ಟಿದ ಬಾಂಗ್ಲಾ 18.4 ಓವರ್ ಗಳಲ್ಲಿ 5 ವಿಕೆಟ್ ನಷ್ಟಕ್ಕೆ 137 ರನ್ ಗಳಿಸಿ ಸುಲಭ ಜಯ ಗಳಿಸಿತು. ಲಿಟ್ಟನ್ ದಾಸ್ ಔಟಾಗದೆ 42, ಮಹೇದಿ ಹಸನ್ ಔಟಾಗದೆ 19 ರನ್ ಗಳಿಸಿ ಗೆಲುವಿನಲ್ಲಿ ಮುಖ್ಯ ಪಾತ್ರ ವಹಿಸಿದರು. ಮಹೇದಿ ಹಸನ್ ಪಂದ್ಯ ಶ್ರೇಷ್ಠ ಪ್ರಶಸ್ತಿಗೆ ಭಾಜನರಾದರು.