ಗಾಯಾಳು ನಥನ್‌ ಆ್ಯಸ್ಟಲ್‌ ಔಟ್‌ ಕಿವೀಸ್‌ ತಂಡಕ್ಕೆ ಸಾಮರ್‌ವಿಲ್ಲೆ

Team Udayavani, Nov 10, 2018, 6:50 AM IST

ವೆಲ್ಲಿಂಗ್ಟನ್‌: ಯುಎಇಯಲ್ಲಿ ಪಾಕಿಸ್ಥಾನ ವಿರುದ್ಧ ಕ್ರಿಕೆಟ್‌ ಸರಣಿ ಆಡುತ್ತಿರುವ ನ್ಯೂಜಿಲ್ಯಾಂಡಿಗೆ ಗಾಯಾಳು ಆಟಗಾರರ ಸಂಕಟ ತೀವ್ರಗೊಂಡಿದೆ. ಆಲ್‌ರೌಂಡರ್‌ ಕೋರಿ ಆ್ಯಂಡರ್ಸನ್‌ ಹೊರಬಿದ್ದ ಬೆನ್ನಲ್ಲೇ ಮಧ್ಯಮ ಕ್ರಮಾಂಕದ ಬ್ಯಾಟ್ಸ್‌ಮನ್‌ ಟಾಡ್‌ ಆ್ಯಸ್ಟಲ್‌ ಕೂಡ ಗಾಯಾಳಾಗಿ ಟೆಸ್ಟ್‌ ಸರಣಿಯಿಂದಲೇ ಬೇರ್ಪಟ್ಟ ಸುದ್ದಿ ಪ್ರಕಟಗೊಂಡಿದೆ.

ಟಾಡ್‌ ಆ್ಯಸ್ಟಲ್‌ ಬದಲು 34ರ ಹರೆಯದ ಆಫ್ಸ್ಪಿನ್‌ ಬೌಲಿಂಗ್‌ ಆಲ್‌ರೌಂಡರ್‌ ವಿಲಿಯಂ ಸಾಮರ್‌ವಿಲ್ಲೆ ಅವರನ್ನು ಸೇರಿಸಿಕೊಳ್ಳಲಾಗಿದೆ. ಮೂಲತಃ ನ್ಯೂಜಿಲ್ಯಾಂಡ್‌ನ‌ವರೇ ಆದ 34ರ ಹರೆಯದ ಸಾಮರ್‌ವಿಲ್ಲೆ ಆಸ್ಟ್ರೇಲಿಯದ ನ್ಯೂ ಸೌತ್‌ ವೇಲ್ಸ್‌ ಪರ 16 ಪ್ರಥಮ ದರ್ಜೆ ಪಂದ್ಯಗಳನ್ನು ಆಡಿದ್ದಾರೆ. ನ್ಯೂಜಿಲ್ಯಾಂಡ್‌ ರಾಷ್ಟ್ರೀಯ ತಂಡವನ್ನು ಪ್ರತಿನಿಧಿಸುವ ಸಲುವಾಗಿ ಅಲ್ಲಿಂದ ಬಿಡುಗಡೆಗೊಂಡಿದ್ದರು. ಬಳಿಕ “ಆಕ್ಲೆಂಡ್‌ ಏಸ್‌’ ತಂಡದ ಪರ ಆಡುವುದರೊಂದಿಗೆ ತವರಿನ ತಂಡ ಸೇರುವ ಹಾದಿ ಸುಗಮಗೊಂಡಿತ್ತು.

ನ. 16ರಿಂದ ಆರಂಭವಾಗಲಿರುವ ಮೊದಲ ಟೆಸ್ಟ್‌ ಪಂದ್ಯದಲ್ಲಿ ಸೋಮರ್‌ವಿಲ್ಲೆ ನ್ಯೂಜಿಲ್ಯಾಂಡ್‌ ಕ್ಯಾಪ್‌ ಧರಿಸಬಹುದು.

ಪರಿಷ್ಕೃತ ಟೆಸ್ಟ್‌ ತಂಡ: ಕೇನ್‌ ವಿಲಿಯಮ್ಸನ್‌ (ನಾಯಕ), ಟಾಮ್‌ ಬ್ಲಿಂಡೆಲ್‌, ಟ್ರೆಂಟ್‌ ಬೌಲ್ಟ್, ಕಾಲಿನ್‌ ಡಿ ಗ್ರ್ಯಾಂಡ್‌ಹೋಮ್‌, ಮ್ಯಾಟ್‌ ಹೆನ್ರಿ, ಟಾಮ್‌ ಲ್ಯಾಥಂ, ಹೆನ್ರಿ ನಿಕೋಲ್ಸ್‌, ಅಜಾಜ್‌ ಪಟೇಲ್‌, ಜೀತ್‌ ರಾವಲ್‌, ಐಶ್‌ ಸೋಧಿ, ಟಿಮ್‌ ಸೌಥಿ, ರಾಸ್‌ ಟಯ್ಲರ್‌, ನೀಲ್‌ ವ್ಯಾಗ್ನರ್‌, ಬ್ರಾಡ್ಲಿ ವಾಟಿÉಂಗ್‌, ವಿಲಿಯಂ ಸಾಮರ್‌ವಿಲ್ಲೆ.