ODI; ಟೀಮ್ ಇಂಡಿಯಾದ ಹೊಸ ಜೆರ್ಸಿ ಬಿಡುಗಡೆ ಮಾಡಿದ ಜಯ್ ಶಾ,ಹರ್ಮನ್ ಪ್ರೀತ್

Team Udayavani, Nov 29, 2024, 8:50 PM IST

ಮುಂಬಯಿ: ಟೀಮ್ ಇಂಡಿಯಾದ ಹೊಸ ಏಕದಿನ ಜೆರ್ಸಿಯನ್ನು ಬಿಸಿಸಿಐ ಕಾರ್ಯದರ್ಶಿ ಜಯ್ ಶಾ, ವನಿತಾ ತಂಡದ ನಾಯಕಿ ಹರ್ಮನ್ ಪ್ರೀತ್ ಕೌರ್ ಶುಕ್ರವಾರ(ನ29) ಜಂಟಿಯಾಗಿ ಬಿಡುಗಡೆ ಮಾಡಿದರು.

ಹೊಸ ಜೆರ್ಸಿಯು ಭುಜಗಳ ಮೇಲೆ ತ್ರಿವರ್ಣದ ಗ್ರೇಡಿಯಂಟ್ ಹೊಂದಿದ್ದು, ಹಿಂದಿನದಕ್ಕಿಂದ ಸ್ವಲ್ಪ ಬದಲಾವಣೆಯಾಗಿದೆ. ಹಿಂದೆ ಬಿಳಿಯ ಮೂರು ಪಟ್ಟೆಗಳನ್ನು ಮಾತ್ರ ಹೊಂದಿತ್ತು. ಬಿಸಿಸಿಐ ವಿಡಿಯೋವನ್ನು ಎಕ್ಸ್ ನಲ್ಲಿ ಪೋಸ್ಟ್ ಮಾಡಿದೆ.

📍 BCCI Headquarters, Mumbai

Mr Jay Shah, Honorary Secretary, BCCI & Ms Harmanpreet Kaur, Captain, Indian Cricket Team unveiled #TeamIndia‘s new ODI jersey 👏 👏@JayShah | @ImHarmanpreet | @adidas pic.twitter.com/YujTcjDHRO

— BCCI (@BCCI) November 29, 2024

ಡಿಸೆಂಬರ್ 22 ರಿಂದ 27 ರವರೆಗೆ ವಡೋದರಾದಲ್ಲಿ ಮೂರು ಪಂದ್ಯಗಳ ಏಕದಿನ ಸರಣಿಯಲ್ಲಿ ವೆಸ್ಟ್ ಇಂಡೀಸ್ ವಿರುದ್ಧ ಭಾರತ ವನಿತಾ ತಂಡವು ಮೊದಲು ಹೊಸ ODI ಜರ್ಸಿಯನ್ನು ಧರಿಸಿ ಆಡಲಿದೆ ಎಂದು ಹರ್ಮನ್‌ಪ್ರೀತ್ ಕೌರ್ ಖಚಿತಪಡಿಸಿದ್ದಾರೆ.

2023 ರಲ್ಲಿ ಕ್ರೀಡಾ ಉಡುಪು ತಯಾರಕ ಅಡಿಡಾಸ್ ಕಿಟ್ ಪ್ರಾಯೋಜಕರಾಗಿ ಪಡೆದ ನಂತರ, ಭಾರತ ತಂಡದ ಜೆರ್ಸಿಗಳನ್ನು ನಿಯಮಿತವಾಗಿ ನವೀಕರಿಸಲು ಪ್ರಯತ್ನಿಸುತ್ತಲೇ ಇದೆ. ಕಳೆದ ವರ್ಷ ಪುರುಷರ ಏಕದಿನ ವಿಶ್ವಕಪ್ ಮತ್ತು ಈ ವರ್ಷದ ಆರಂಭದಲ್ಲಿ ಟಿ20 ವಿಶ್ವಕಪ್‌ಗಾಗಿ ಭಾರತವು ವಿಶೇಷ ಕಿಟ್‌ಗಳನ್ನು ಹೊಂದಿತ್ತು. ಪುರುಷರ ತಂಡವು ಮುಂಬೈನಲ್ಲಿ ಟಿ 20 ವಿಶ್ವಕಪ್ ವಿಜಯೋತ್ಸವವನ್ನು ಆಚರಿಸಿ ಬಸ್ ಪರೇಡ್‌ಗಾಗಿ ವಿಶೇಷವಾಗಿ ವಿನ್ಯಾಸಗೊಳಿಸಿದುದನ್ನು ಧರಿಸಿ ಗಮನ ಸೆಳೆದಿತ್ತು.