ಅಂಧರ ವಿಶ್ವಕಪ್‌: ಭಾರತ-ಪಾಕ್‌ ಪಂದ್ಯ

Team Udayavani, Jan 12, 2018, 8:33 AM IST

ಹೊಸದಿಲ್ಲಿ: ಭಾರತ-ಪಾಕಿಸ್ಥಾನ ನಡುವಿನ ಕ್ರಿಕೆಟ್‌ ಪಂದ್ಯಗಳೆಂದರೆ ಪ್ರೇಕ್ಷಕರು ತುದಿಗಾಲಲ್ಲಿ ನಿಲ್ಲು ವುದು ಸಹಜ. ಎರಡೂ ದೇಶಗಳ ನಡುವಿನ ರಾಜತಾಂತ್ರಿಕ ಸಮಸ್ಯೆಯಿಂದಾಗಿ ಈ ದೇಶಗಳ ನಡುವಿನ ಕ್ರಿಕೆಟ್‌ ನಿಂತೇ ಹೋಗಿದೆ. ಈಗ ಇತ್ತಂಡಗಳ ನಡುವೆ ವಿಶ್ವಕಪ್‌ನಂತಹ ಮಹತ್ವದ ಕೂಟದಲ್ಲಿ ಹೋರಾಟಕ್ಕೆ ವೇದಿಕೆ ಸಿದ್ಧವಾಗಿದೆ. ಆದರೆ ಇದು ಅಂಧರ ವಿಶ್ವಕಪ್‌ ಪಂದ್ಯ.

ಈ ಬಾರಿಯ ಅಂಧರ ವಿಶ್ವಕಪ್‌ಗೆ ಆತಿಥ್ಯ ವಹಿಸಿ ರುವುದು ಪಾಕಿಸ್ಥಾನ. ಇಲ್ಲಿಗೆ ತಂಡವನ್ನು ಕಳುಹಿಸಲು ಕೇಂದ್ರ ಸರಕಾರ ಒಪ್ಪದಿದ್ದುದರಿಂದ ಭಾರತ ತನ್ನ ಪಂದ್ಯ ಗಳನ್ನು ಯುಎಇಯಲ್ಲಿ ಆಡುತ್ತಿದೆ. ಭದ್ರತೆ ಕಾರಣದಿಂದ ವೆಸ್ಟ್‌ ಇಂಡೀಸ್‌, ಆಸ್ಟ್ರೇಲಿಯ ತಂಡಗಳೂ ಯುಎಇಯಲ್ಲೇ ಆಡುತ್ತಿವೆ.

ಶುಕ್ರವಾರ ಯುಎಇಯ ಅಜ್ಮನ್‌ ಮೈದಾನದಲ್ಲಿ ಭಾರತ-ಪಾಕ್‌ ನಡುವೆ ಮಹತ್ವದ ಪಂದ್ಯ ನಡೆಯಲಿದೆ. ಭಾರತ ಹಾಲಿ ಚಾಂಪಿಯನ್‌. ಅಲ್ಲದೇ ಈ ಬಾರಿ ತಾನಾಡಿದ ಮೊದಲ ಪಂದ್ಯದಲ್ಲಿ ಶ್ರೀಲಂಕಾವನ್ನು ಭರ್ಜರಿಯಾಗಿ ಸೋಲಿಸಿರುವ ಉತ್ಸಾಹದಲ್ಲಿದೆ.