ಪಾಕ್‌ ವೇಗಿ ರಿಯಾಜ್‌ ವಿರುದ್ಧ ಸಿಟ್ಟಾದ ಕೋಚ್‌ ಆರ್ಥರ್‌

Team Udayavani, Oct 10, 2017, 6:45 AM IST

ದುಬೈ: ಇಲ್ಲಿ ನಡೆಯುತ್ತಿರುವ ಶ್ರೀಲಂಕಾ ವಿರುದ್ಧದ 2ನೇ ಟೆಸ್ಟ್‌  ಪಂದ್ಯದ ವೇಳೆ ಪಾಕಿಸ್ತಾನ ವೇಗಿ ವಾಹಬ್‌ ರಿಯಾಜ್‌ ಕೋಚ್‌ ಮಿಕ್ಕಿ ಆರ್ಥರ್‌ ಕೆಂಗಣ್ಣಿಗೆ ಗುರಿಯಾಗಿದ್ದಾರೆ. 2ನೇ ಟೆಸ್ಟ್‌  ಪಂದ್ಯದ ಎರಡನೇ ದಿನಾಟದ ವೇಳೆ ಘಟನೆ ನಡೆದಿದೆ.  

ಆಗ 19ನೇ ಓವರ್‌ನ 5ನೇ ಎಸೆತವಾಗಿತ್ತು. ಪೆವಿಲಿಯನ್‌ ತುದಿಯಿಂದ‌ ಬೌಲಿಂಗ್‌ ಮಾಡಲು ವೇಗವಾಗಿ ಓಡಿಕೊಂಡು ಬಂದ ರಿಯಾಜ್‌ ಇದ್ದಕ್ಕಿದಂತೆ ಅಂಪೈರ್‌ ಸಮೀಪ ಬಂದಾಗ ಚೆಂಡು ಎಸೆಯದೆ ಹಿಂದಿರುಗುತ್ತಿದ್ದರು. ಒಂದೇ ಓವರ್‌ನಲ್ಲಿ 5 ಸಲ ಹೀಗೆ ಮಾಡಿದರು. ಇದರಿಂದ ಪಾಕ್‌ ಕೋಚ್‌ ಮಿಕ್ಕಿ ಆರ್ಥರ್‌ ಸಿಟ್ಟಾದರು. ಕೋಪಗೊಳ್ಳುತ್ತಲೇ ಮತ್ತೆ ಅವರು ಬೌಲಿಂಗ್‌ ಮಾಡುವುದನ್ನು ನೋಡದೆ ನೇರ ಡ್ರೆಸ್ಸಿಂಗ್‌ ರೂಮ್‌ ಸೇರಿಕೊಂಡರು. ವಿಕೆಟ್‌ ಕೀಪರ್‌ ಕಮ್‌ ನಾಯಕ ಸಫ್ರಾìಜ್‌ ಅಹ್ಮದ್‌ ಕೂಡ ಸಿಟ್ಟಾದರು. ಮರು ಮಾತನಾಡದೆ ಹತಾಶೆಯ ನೋಟವನ್ನು ರಿಯಾಜ್‌ರತ್ತ ಬೀರಿದರು. ರಿಯಾಜ್‌ ವರ್ತನೆ ಸಾಮಾಜಿಕ ಜಾಲತಾಣದಲ್ಲೂ ವ್ಯಾಪಕ ಟೀಕೆಗೆ ಗುರಿಯಾಗಿದೆ.