ಪಾಕಿಸ್ತಾನಕ್ಕೂ ವಿಶ್ವಕಪ್‌ ಅರ್ಹತೆ

Team Udayavani, Feb 16, 2018, 6:35 AM IST

ಹೇಗ್‌ (ಹಾಲೆಂಡ್‌): ವಿಶ್ವ ಹಾಕಿಯಲ್ಲಿ ಒಂದು ಕಾಲದಲ್ಲಿ ಸಾಮ್ರಾಟನಾಗಿ ಮೆರೆದಿದ್ದ ಪಾಕಿಸ್ತಾನ ತಂಡ ಹಲವು ವರ್ಷಗಳಿಂದ ಮೂಲೆಗುಂಪಾಗಿತ್ತು. 2014ರ ವಿಶ್ವಕಪ್‌ಗೆ ಅರ್ಹತೆ ಪಡೆಯಲೂ ವಿಫ‌ಲವಾಗಿತ್ತು.

ಆಡಿದ ಎಲ್ಲ ಟ್ರೋಫಿಗಳಲ್ಲೂ ಸೋಲುತ್ತಾ ಬಂದಿತ್ತು. ಇದೀಗ ಅದಕ್ಕೆ ಸಂತೋಷದ ಸುದ್ದಿ ಸಿಕ್ಕಿದೆ. ಹಾಲೆಂಡ್‌ನ‌ ಹೇಗ್‌ನಲ್ಲಿ ನಡೆದ ಯೂರೊ ಹಾಕಿ ಚಾಂಪಿಯನ್‌ಶಿಪ್‌ನಲ್ಲಿ ಪಾಕ್‌ 7ನೇ ತಂಡವಾಗಿ ಹೊರಹೊಮ್ಮಿದೆ.

ಆದ್ದರಿಂದ ಅದೀಗ ಈ ಬಾರಿ ಅಕ್ಟೋಬರ್‌ನಲ್ಲಿ ಭಾರತದಲ್ಲಿ ನಡೆಯಲಿರುವ ಹಾಕಿ ವಿಶ್ವಕಪ್‌ಗೆ ಅರ್ಹತೆ ಗಳಿಸಿದೆ. ಈ ಕೂಟಕ್ಕೆ ಅರ್ಹತೆ 13ನೇ ತಂಡ ಪಾಕಿಸ್ತಾನ. ಪಾಕಿಸ್ತಾನ ಕೂಟಕ್ಕೆ ಅರ್ಹತೆ ಪಡೆದಿರುವುದರಿಂದ ಅದು ಭಾರತಕ್ಕೆ ಪ್ರಯಾಣ ಬೆಳೆಸಲಿರುವುದು ಖಚಿತವಾಗಿದೆ.

ಆದರೆ ಭಾರತ-ಪಾಕಿಸ್ತಾನದ ನಡುವೆ ರಾಜತಾಂತ್ರಿಕ ಸಂಬಂಧ ಹದಗೆಟ್ಟಿರುವುದರಿಂದ ಏನಾಗುತ್ತದೆ ಎಂದು ಈಗಲೇ ಹೇಳುವುದು ಕಷ್ಟ. ಪಾಕ್‌ ಸರ್ಕಾರ ಅನುಮತಿಸದಿದ್ದರೆ ಬಿಕ್ಕಟ್ಟು ನಿರ್ಮಾಣವಾಗಲಿದೆ.