Paris olympics: ಪ್ಯಾರಿಸ್‌ ಪದಕದ ಗುಣಮಟ್ಟ ಕಳಪೆ?

Team Udayavani, Aug 10, 2024, 10:51 PM IST

ಪ್ಯಾರಿಸ್‌: ಪ್ಯಾರಿಸ್‌ ಒಲಿಂಪಿಕ್ಸ್‌ ವಿಜೇತರಿಗೆ ನೀಡಲಾಗುವ ಪದಕಗಳ ಗುಣಮಟ್ಟ ಕಳಪೆ ಮಟ್ಟದ್ದಾಗಿಯೇ? ಅಮೆರಿಕದ ಸ್ಕೇಟ್‌ಬೋರ್ಡರ್‌ ನೈಜಾ ಹ್ಯೂಸ್ಟನ್‌ ಇಂಥದೊಂದು ಪ್ರಶ್ನೆಯನ್ನೆತ್ತಿದ್ದಾರೆ.

ಹ್ಯೂಸ್ಟನ್‌ ಸ್ಕೇಟ್‌ಬೋರ್ಡ್‌ ಸ್ಪರ್ಧೆಯಲ್ಲಿ ಕಂಚಿನ ಪದಕ ಜಯಿಸಿದ್ದರು. ಆದರೆ ಕೆಲವೇ ದಿನಗಳಲ್ಲಿ ಈ ಪದಕದ ಬಣ್ಣ ಮಾಸಿದೆ ಎಂಬುದು ಅವರ ಆರೋಪ. ಇದನ್ನವರು ವೀಡಿಯೊ ಸಮೇತ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್‌ ಮಾಡಿದ್ದಾರೆ. ಇದನ್ನು ಜೋಪಾನವಾಗಿ ಹೇಗೆ ಕಾಪಿಡುವುದು ಎಂಬ ಪ್ರಶ್ನೆಯನ್ನೆತ್ತಿದ್ದಾರೆ.

“ಹೊಚ್ಚಹೊಸದಾಗಿದ್ದಾಗ ಈ ಪದಕಗಳು ಚೆಂದವಾಗಿ ಕಾಣುತ್ತವೆ. ಆದರೆ ಈ ಕಂಚಿನ ಪದಕದ ಬಣ್ಣ ಈಗಾಗಲೇ ಮಾಸಿದ್ದು, ದೊರಗು ದೊರಗಾಗಿದೆ. ಪದಕದ ಮೇಲ್ಪದರ ಕಿತ್ತು ಬರಲಾರಂಭಿಸಿದೆ. ಇದು ನಾವು, ನೀವು ನಿರೀಕ್ಷಿಸಿದಷ್ಟು ಉತ್ತಮ ಗುಣಮಟ್ಟವನ್ನು ಹೊಂದಿಲ್ಲ. ಒಲಿಂಪಿಕ್‌ ಪದಕಗಳೇ, ನಿಮ್ಮ ಗುಣಮಟ್ಟವನ್ನು ಸ್ವಲ್ಪ ಹೆಚ್ಚಿಸಿಕೊಳ್ಳಿ’ ಎಂದಿದ್ದಾರೆ ನೈಜಾ ಹ್ಯೂಸ್ಟನ್‌.