WI vs SA T20: ವಿಂಡೀಸ್ ಚೇಸಿಂಗ್ ಪರಾಕ್ರಮ
Team Udayavani, Aug 24, 2024, 8:30 PM IST
ಟರೂಬ (ಟ್ರಿನಿಡಾಡ್: ಪ್ರಚಂಡ ಚೇಸಿಂಗ್ ಪರಾಕ್ರಮ ನಡೆಸಿದ ವೆಸ್ಟ್ ಇಂಡೀಸ್, ಪ್ರವಾಸಿ ದಕ್ಷಿಣ ಆಫ್ರಿಕಾ ಎದುರಿನ ಮೊದಲ ಟಿ20 ಪಂದ್ಯವನ್ನು 7 ವಿಕೆಟ್ಗಳಿಂದ ಜಯಿಸಿದೆ.
ಇಲ್ಲಿನ “ಬ್ರಿಯಾನ್ ಲಾರಾ ಸ್ಟೇಡಿಯಂ’ನಲ್ಲಿ ನಡೆದ ಮುಖಾಮುಖೀಯಲ್ಲಿ ಬ್ಯಾಟಿಂಗ್ಗೆ ಇಳಿಸಲ್ಪಟ್ಟ ದಕ್ಷಿಣ ಆಫ್ರಿಕಾ 7 ವಿಕೆಟಿಗೆ 174 ರನ್ ಪೇರಿಸಿ ಸವಾಲೊಡ್ಡಿದರೆ, ವೆಸ್ಟ್ ಇಂಡೀಸ್ 17.5 ಓವರ್ಗಳಲ್ಲೇ 3 ವಿಕೆಟಿಗೆ 176 ರನ್ ಬಾರಿಸಿ ವಿಜಯೋತ್ಸವ ಆಚರಿಸಿತು.
ಆರಂಭಿಕರಾದ ಅಲಿಕ್ ಅಥನಾಜ್ ಮತ್ತು ಶೈ ಹೋಪ್ ಮೊದಲ ವಿಕೆಟಿಗೆ 8 ಓವರ್ಗಳಿಂದ 84 ರನ್ ಪೇರಿಸಿ ಗಟ್ಟಿ ಅಡಿಪಾಯ ನಿರ್ಮಿಸಿದರು. ಬಳಿಕ ನಿಕೋಲಸ್ ಪೂರಣ್ ಸಿಡಿದು ನಿಂತರು. ವನ್ಡೌನ್ನಲ್ಲಿ ಬ್ಯಾಟ್ ಹಿಡಿದು ಬಂದ ಪೂರಣ್, ಕೇವಲ 26 ಎಸೆತಗಳಲ್ಲಿ ಅಜೇಯ 65 ರನ್ ಬಾರಿಸಿದರು. ಈ ಪಂದ್ಯಶ್ರೇಷ್ಠ ಇನ್ನಿಂಗ್ಸ್ನಲ್ಲಿ 7 ಸಿಕ್ಸರ್ ಹಾಗೂ 2 ಬೌಂಡರಿ ಸೇರಿತ್ತು.
ಹೋಪ್ 36 ಎಸೆತಗಳಿಂದ 51 ರನ್ ಹೊಡೆದರು. ಅಥನಾಜ್ ಗಳಿಕೆ 30 ಎಸೆತಗಳಿಂದ 40 ರನ್. ಇಬ್ಬರೂ ತಲಾ 3 ಸಿಕ್ಸರ್, 2 ಬೌಂಡರಿ ಸಿಡಿಸಿದರು.
ದಕ್ಷಿಣ ಆಫ್ರಿಕಾದ ಆರಂಭ ಅತ್ಯಂತ ಆಘಾತಕಾರಿಯಾಗಿತ್ತು. 8 ಓವರ್ ಮುಕ್ತಾಯಕ್ಕೆ 42 ರನ್ನಿಗೆ 5 ವಿಕೆಟ್ ಹಾರಿ ಹೋಗಿತ್ತು. ಆದರೆ ಟ್ರಿಸ್ಟನ್ ಸ್ಟಬ್ಸ್ ಸಿಡಿದು ನಿಂತರು. ವಿಂಡೀಸ್ ಬೌಲರ್ಗಳ ಮೇಲೆರಗಿ ಹೋದ ಸ್ಟಬ್ಸ್ 76 ರನ್ ಕೊಡುಗೆ ಸಲ್ಲಿಸಿದರು (42 ಎಸೆತ, 8 ಬೌಂಡರಿ, 3 ಸಿಕ್ಸರ್). ಇವರಿಗೆ ಕೆಳ ಕ್ರಮಾಂಕದ ಆಟಗಾರ ಪ್ಯಾಟ್ರಿಕ್ ಕ್ರುಗರ್ ಉತ್ತಮ ಬೆಂಬಲ ನೀಡಿದರು (44).
ವೆಸ್ಟ್ ಇಂಡೀಸ್ ಪರ ಮ್ಯಾಥ್ಯೂ ಫೋರ್ಡ್ 3, ಶಮರ್ ಜೋಸೆಫ್ 2 ವಿಕೆಟ್ ಉರುಳಿಸಿದರು.
ಸಂಕ್ಷಿಪ್ತ ಸ್ಕೋರ್: ದಕ್ಷಿಣ ಆಫ್ರಿಕಾ-7 ವಿಕೆಟಿಗೆ 174 (ಸ್ಟಬ್ಸ್ 76, ಕ್ರುಗರ್ 44, ಫೋರ್ಡ್ 27ಕ್ಕೆ 3, ಜೋಸೆಫ್ 40ಕ್ಕೆ 2). ವೆಸ್ಟ್ ಇಂಡೀಸ್-17.5 ಓವರ್ಗಳಲ್ಲಿ 3 ವಿಕೆಟಿಗೆ 176 (ಪೂರಣ್ ಔಟಾಗದೆ 65, ಹೋಪ್ 51, ಅಥನಾಜ್ 40, ಬಾರ್ಟ್ಮನ್ 30ಕ್ಕೆ 2). ಪಂದ್ಯಶ್ರೇಷ್ಠ: ನಿಕೋಲಸ್ ಪೂರಣ್.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
Kaljigaದಲ್ಲಿ ದೈವದ ಅಪಪ್ರಚಾರ ನಡೆದಿಲ್ಲ, ಸಿನಿಮಾ ನೋಡಿದ ಬಳಿಕ ಈ ಬಗ್ಗೆ ಪ್ರತಿಕ್ರಿಯಿಸಿ
ನವಜಾತ ಶಿಶುಗಳಲ್ಲಿ ಶ್ರವಣ ಶಕ್ತಿ ಸಮಸ್ಯೆ ಕುರಿತು ಸಂಪೂರ್ಣ ಮಾಹಿತಿ
ಅಂತರಾಷ್ಟ್ರೀಯ ಪ್ರಜಾಪ್ರಭುತ್ವ ದಿನಾಚರಣೆ ಅಂಗವಾಗಿ ತಾಲೂಕು ಮಟ್ಟದ ಮಾನವ ಸರಪಳಿ ಕಾರ್ಯಕ್ರಮ
ಈಟ್ ರಾಜಾ ಶಾಪ್ ನಲ್ಲಿ ಜ್ಯೂಸ್ ಕುಡಿಯೋದಷ್ಟೇ ಅಲ್ಲ ತಿನ್ನಲೂ ಬಹುದು
ಅಯ್ಯೋ…ಸಂತೆಕಟ್ಟೆ ಅಂಡರ್ ಪಾಸ್ ಪ್ರಯಾಣ ನಿತ್ಯ ನರಕ!
ಹೊಸ ಸೇರ್ಪಡೆ
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.