100 ದಿನಗಳ ಬಳಿಕ ಪ್ರೀಮಿಯರ್‌ ಲೀಗ್‌ ಫುಟ್ಬಾಲ್‌ ಪುನರಾರಂಭ

Team Udayavani, Jun 18, 2020, 6:29 AM IST

ಹೊಸದಿಲ್ಲಿ: ಕೊನೆಯ ಪಂದ್ಯ ಮುಗಿದು ಸರಿಯಾಗಿ 100 ದಿನಗಳ ಬಳಿಕ ಪ್ರತಿಷ್ಠಿತ ಪ್ರೀಮಿಯರ್‌ ಲೀಗ್‌ ಫುಟ್ಬಾಲ್‌ ಪಂದ್ಯಾವಳಿ ಪುನರಾರಂಭಗೊಂಡಿದೆ. ಉಳಿದ 92 ಪಂದ್ಯಗಳನ್ನು ಮುಂದಿನ 6 ವಾರಗಳಲ್ಲಿ ಮುಗಿಸುವುದು ಸಂಘಟಕರ ಯೋಜನೆಯಾಗಿದೆ. ಯಾವುದೇ ಅಡೆತಡೆಗಳು ಎದುರಾಗದೇ ಹೋದರೆ ಜು. 26ಕ್ಕೆ ಈ ಪಂದ್ಯಾವಳಿ ಮುಗಿಯಲಿದೆ.

ಬುಧವಾರ ತಡರಾತ್ರಿ ಮ್ಯಾಂಚೆಸ್ಟರ್‌ನಲ್ಲಿ ಆ್ಯಸ್ಟನ್‌ ವಿಲ್ಲಾ ಮತ್ತು ಶೆಫೀಲ್ಡ್‌ ಯುನೈಟೆಡ್‌ ನಡುವಿನ ಪಂದ್ಯ ನಡೆಯಿತು. ಬಳಿಕ ಮ್ಯಾಂಚೆಸ್ಟರ್‌ ಸಿಟಿ-ಆರ್ಸೆನೆಲ್‌ ನಡುವೆ ಮುಖಾಮುಖೀ ಸಾಗಿತು. ನಾರ್ವಿಕ್‌ ಸಿಟಿ-ಸೌತಾಂಪ್ಟನ್‌ ನಡುವಿನ ಮುಖಾಮುಖೀ ಶುಕ್ರವಾರ ರಾತ್ರಿ 10.30ಕ್ಕೆ ನಡೆಯಲಿದೆ. ಇವೆಲ್ಲವೂ ಭಾರತೀಯ ಕಾಲಮಾನವಾಗಿದ್ದು, ಸ್ಟಾರ್‌ ಸ್ಪೋರ್ಟ್ಸ್ ಚಾನೆಲ್‌ನಲ್ಲಿ ನೇರ ಪ್ರಸಾರ ಕಾಣಲಿದೆ. ಪಂದ್ಯಗಳ ವೇಳೆ ಕ್ರೀಡಾಂಗಣಕ್ಕೆ ಕೇವಲ 300 ವೀಕ್ಷಕರಿಗಷ್ಟೇ ಪ್ರವೇಶ ಇರಲಿದೆ.