ಸಚಿನ್‌ ಜತೆ ಪೃಥ್ವಿ ಶಾ ಭೋಜನ

Team Udayavani, Apr 19, 2019, 9:42 AM IST

ಹೊಸದಿಲ್ಲಿ: ಭಾರತದ ಭರವಸೆಯ ಆರಂಭಕಾರ ಪೃಥ್ವಿ ಶಾ, ಕ್ರಿಕೆಟ್‌ ಲೆಜೆಂಡ್‌ ಸಚಿನ್‌ ತೆಂಡುಲ್ಕರ್‌ ಜತೆ ಭೋಜನ ಮಾಡಿದ ಖುಷಿಯನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.

“ಸೊಗಸಾದ ಔತಣಕ್ಕೆ ಧನ್ಯ ವಾದಗಳು ಸಚಿನ್‌ ಸರ್‌. ನಿಮ್ಮ ಜತೆ ಇರುವುದು ಸದಾ ಖುಷಿ ಕೊಡುವ ಸಂಗತಿ’ ಎಂದು ಪೃಥ್ವಿ ಶಾ ಟ್ವೀಟ್‌ ಮಾಡಿದ್ದಾರೆ. ಜತೆಗೆ ಇಬ್ಬರೂ ಊಟ ಮಾಡುತ್ತಿರುವ ಚಿತ್ರವೊಂದನ್ನು ಪೋಸ್ಟ್‌ ಮಾಡಿದ್ದಾರೆ.

ಮೂಲತಃ ಇವರಿಬ್ಬರೂ ಮುಂಬಯಿ ಆಟಗಾರರೇ ಆಗಿದ್ದಾರೆ. ಆದರೆ ಐಪಿಎಲ್‌ನಲ್ಲಿ ಪೃಥ್ವಿ ಶಾ ಡೆಲ್ಲಿ ಕ್ಯಾಪಿಟಲ್ಸ್‌ ತಂಡವನ್ನು ಪ್ರತಿನಿಧಿಸಿದರೆ, ಸಚಿನ್‌ ತೆಂಡುಲ್ಕರ್‌ ಮುಂಬೈ ತಂಡದ ಮೆಂಟರ್‌ ಆಗಿದ್ದಾರೆ. ಗುರುವಾರದ ಡೆಲ್ಲಿ-ಮುಂಬೈ ತಂಡಗಳ ನಡುವಿನ ಮುಖಾಮುಖೀಗೂ ಮುನ್ನ ಇವರಿಬ್ಬರು ಭೇಟಿಯಾಗಿದ್ದರು.