ದ.ಆಫ್ರಿಕಾ ಕ್ರಿಕೆಟಿಗರನ್ನೂ ಕಾಡುತ್ತಿದ್ದಾರೆ ಪ್ರಿಯಾ ವಾರಿಯರ್‌!

Team Udayavani, Feb 17, 2018, 6:15 AM IST

ಜೊಹಾನ್ಸ್‌ಬರ್ಗ್‌: ಮಲಯಾಳಂ ನಟಿ ಪ್ರಿಯಾ ವಾರಿಯರ್‌ ಈಗ ಭಾರತದ ಸಿನಿಮಾ ಪ್ರಿಯರಿಗೆಲ್ಲ ಗೊತ್ತಿರುವ ಹೆಸರು. ಇನ್ನೂ ಬಿಡುಗಡೆಯಾಗದ “ಒರು ಆಡಾರ್‌ ಲವ್‌’ ಸಿನಿಮಾದಲ್ಲಿ ನಾಯಕಿ ಪಾತ್ರದಲ್ಲಿರುವ ಅವರು ತಾವು ಮಾಡಿದ ವಿಶಿಷ್ಟ ಕಣನ್ನೆಯಿಂದ ಜಗತ್ತಿನಾದ್ಯಂತ ಸುದ್ದಿಯಾಗುತ್ತಿದ್ದಾರೆ. ಅದಕ್ಕೊಂದು ಹೊಸ ಉದಾಹರಣೆ ದ.ಆಫ್ರಿಕಾ ವೇಗಿ ಲುಂಗಿಸಾನಿ ಎನ್‌ಗಿಡಿ. ಅವರು ತಮ್ಮ ಟ್ವೀಟ್‌ನಲ್ಲಿ ಆಕೆಯ ವಿಡಿಯೊವನ್ನು ಶೇರ್‌ ಮಾಡಿದ್ದಾರೆ!

ಇತ್ತೀಚೆಗೆ ಮುಗಿದ ಭಾರತ ವಿರುದ್ಧ ಟೆಸ್ಟ್‌ ಸರಣಿಯಲ್ಲಿ ತಮ್ಮ ಭಯಾನಕ ವೇಗದ ಮೂಲಕ ಭಾರತೀಯ ಬ್ಯಾಟ್ಸ್‌ಮನ್‌ಗಳನ್ನು ನಡುಗಿಸಿದ್ದರು. ಆ ಸಂತಸದಲ್ಲಿ ಎನ್‌ಗಿಡಿ ಅಭಿಮಾನಿಯೊಬ್ಬರು ಈ ನಟಿಯ ವಿಡಿಯೊವನ್ನು ಟ್ವೀಟ್‌ ಮಾಡಿದ್ದರು. ಪ್ರಿಯಾ ಕಣÕನ್ನೆಗೆ ಎನ್‌ಗಿಡಿ ನಾಚಿಕೆ ಪಡುತ್ತಿರುವಂತೆ ವಿಡಿಯೊ ಸಿದ್ಧಪಡಿಸಲಾಗಿದೆ. 21 ವರ್ಷದ ಎನ್‌ಗಿಡಿ ಹದಿಹರೆಯದ ಹುಡುಗನಂತೆ ಈ ವಿಡಿಯೊದಲ್ಲಿ ಕಾಣಿಸುತ್ತಾರೆ.  ಎನ್‌ಗಿಡಿ ಚೆನ್ನೈ ಸೂಪರ್‌ ಕಿಂಗ್ಸ್‌ ಐಪಿಎಲ್‌ ತಂಡಕ್ಕೆ ಆಯ್ಕೆಯಾಗಿದ್ದಾರೆ. ಧೋನಿ ನಾಯಕತ್ವದಲ್ಲಿ ಆಡಲಿದ್ದಾರೆ.