ಜುಲೈ-ಅಕ್ಟೋಬರ್‌ ನಡುವೆ ಪ್ರೊ ಕಬಡ್ಡಿ?

Team Udayavani, Mar 12, 2021, 7:15 AM IST

ಹೊಸದಿಲ್ಲಿ: ಕಳೆದ ವರ್ಷ ಕೋವಿಡ್ ಕಾರಣದಿಂದ ರದ್ದಾಗಿದ್ದ ಪ್ರೊ ಕಬಡ್ಡಿ ಈ ವರ್ಷ ಜುಲೈ-ಅಕ್ಟೋಬರ್‌ ನಡುವೆ ನಡೆಯುವ ಸಾಧ್ಯತೆಯಿದೆ. ವಿಶೇಷವೆಂದರೆ, ಪ್ರೊ ಕಬಡ್ಡಿ ಆಯೋಜಿಸುವ ಮಾಶಲ್‌ ನ್ಪೋರ್ಟ್ಸ್ ನಲ್ಲಿ ಶೇ. 74ರಷ್ಟು ಷೇರು ಖರೀದಿಸಿ ಮಾಲಕನ ಸ್ಥಾನದಲ್ಲಿ ನಿಂತಿರುವ ಸ್ಟಾರ್‌ನ್ಪೋರ್ಟ್ಸ್ ಸ್ವತಃ ನೇರಪ್ರಸಾರದ ಹಕ್ಕಿಗಾಗಿ ಪೈಪೋಟಿ ನಡೆಸುವ ಪರಿಸ್ಥಿತಿ ಎದುರಾಗಿದೆ!

2014ರಿಂದ ಇಲ್ಲಿಯವರೆಗೆ ಸ್ಟಾರ್‌ ಇಂಡಿಯಾ ಈ ಕೂಟವನ್ನು ನೇರಪ್ರಸಾರ ಮಾಡುತ್ತಿತ್ತು. ಈ ಬಾರಿ ಎಪ್ರಿಲ್‌ನಲ್ಲಿ ಮಾಧ್ಯಮ ಹಕ್ಕಿಗಾಗಿ ಹರಾಜು ಪ್ರಕ್ರಿಯೆ ನಡೆಯಲಿದೆ. ಅದರಲ್ಲಿ ಸ್ಟಾರ್‌ನ್ಪೋರ್ಟ್ಸ್ ಹಕ್ಕು ಪಡೆಯಲು ಸ್ಪರ್ಧಿಸುವ ಸುಳಿವನ್ನು ಪ್ರೊ ಕಬಡ್ಡಿ ಆಯುಕ್ತ ಅನುಪಮ್‌ ಗೋಸ್ವಾಮಿ ನೀಡಿದ್ದಾರೆ.

“ಪ್ರೊ ಕಬಡ್ಡಿ ಅತೀ ಹೆಚ್ಚು ವೀಕ್ಷಕರನ್ನು ಹೊಂದಿದೆ. ಈ ಹಿನ್ನೆಲೆಯಲ್ಲಿ ಯಾವುದೇ ಮಾಧ್ಯಮಕ್ಕೂ ಇದೊಂದು ಆಸ್ತಿಯಾಗಿದೆ. ಆದ್ದರಿಂದ ಸ್ಟಾರ್‌ ಕೂಡ ಹಕ್ಕು ಪಡೆಯಲು ಸ್ಪರ್ಧಿಸುತ್ತದೆ ಎಂಬ ನಿರೀಕ್ಷೆಯಲ್ಲಿದ್ದೇವೆ’ ಎಂದು ಅನುಪಮ್‌ ತಿಳಿಸಿದ್ದಾರೆ.