Pro Kabaddi 2024: ಯೋಧಾಸ್‌, ಪುನೇರಿ ಜಯಭೇರಿ

Team Udayavani, Oct 22, 2024, 12:55 AM IST

ಹೈದರಾಬಾದ್‌: ಸೋಮವಾರದ ಪ್ರೊ ಕಬಡ್ಡಿ ಪಂದ್ಯಗಳಲ್ಲಿ ಯುಪಿ ಯೋಧಾಸ್‌ ಮತ್ತು ಪುನೇರಿ ಪಲ್ಟಾನ್‌ ಜಯಭೇರಿ ಮೊಳಗಿಸಿವೆ.

ಯೋಧಾಸ್‌ 28-23 ಅಂತರದಿಂದ ದಬಾಂಗ್‌ ಡೆಲ್ಲಿಯನ್ನು ಕೆಡವಿ ಶುಭಾರಂಭ ಮಾಡಿತು. ಡೆಲ್ಲಿ ಮೊದಲ ಸೋಲನುಭವಿಸಿತು.

ಎರಡೂ ತಂಡಗಳು ಸಾಂ ಕ ಆಟದ ಮೂಲಕ ಗಮನ ಸೆಳೆದವು. ಯೋಧಾಸ್‌ ಪರ ರೈಡರ್‌ ಭವಾನಿ ರಜಪೂತ್‌ 7, ಡಿಫೆಂಡರ್‌ ಸಾಹುಲ್‌ ಕುಮಾರ್‌ 5, ನಾಯಕ ಸುರೇಂದರ್‌ ಗಿಲ್‌ 4 ಅಂಕ ಗಳಿಸಿದರು. ಡೆಲ್ಲಿ ಪರ ರೈಡರ್‌ ನವೀನ್‌ ಕುಮಾರ್‌, ನಾಯಕ ಆಶು ಮಲಿಕ್‌ ಮತ್ತು ಆಲ್‌ರೌಂಡರ್‌ ಆಶಿಷ್‌ ತಲಾ 4 ಅಂಕ ತಂದಿತ್ತರು.

ಪುನೇರಿ 2ನೇ ಜಯ
ದ್ವಿತೀಯ ಪಂದ್ಯದಲ್ಲಿ ಪುನೇರಿ ಪಲ್ಟಾನ್‌ 40-25 ಅಂತರದಿಂದ ಪಾಟ್ನಾ ಪೈರೆಟ್ಸ್‌ಗೆ ಸೋಲುಣಿಸಿತು. ಇದು ಪುನೇರಿಗೆ ಒಲಿದ ಸತತ 2ನೇ ಜಯ. ಪಾಟ್ನಾ ಮೊದಲ ಪಂದ್ಯದಲ್ಲೇ ಮುಗ್ಗರಿಸಿತು. ಪುನೇರಿ ಪರ ನಾಯಕ ಅಸ್ಲಾಮ್‌ ಇನಾಮಾªರ್‌ (9), ಮೋಹಿತ್‌ ಗೋಯತ್‌ (8) ಉತ್ತಮ ಪ್ರದರ್ಶನ ನೀಡಿದರು.