Pro Kabaddi; ಗೆಲುವಿನ ಖಾತೆ ತೆರೆದ ಬೆಂಗಳೂರು ಬುಲ್ಸ್‌ , ಜೈಪುರ್‌

Team Udayavani, Dec 11, 2023, 10:40 PM IST

ಬೆಂಗಳೂರು: ಪ್ರೊ ಕಬಡ್ಡಿ 10ನೇ ಸೀಸನ್‌ನಲ್ಲಿ ಬೆಂಗಳೂರು ಬುಲ್ಸ್‌ ಮತ್ತು ಜೈಪುರ್‌ ಪಿಂಕ್‌ ಪ್ಯಾಂಥರ್ ಗೆಲುವಿನ ಖಾತೆ ತೆರೆದಿವೆ. ಎರಡೂ ತಂಡಗಳ ಅಭಿಮಾನಿಗಳು ಮೊದಲ ಬಾರಿಗೆ ಸಂಭ್ರಮಾಚರಣೆಯಲ್ಲಿ ತೊಡಗಿದರು.

ಸತತ 4 ಪಂದ್ಯಗಳನ್ನು ಸೋತು ಭಾರೀ ನಿರಾಸೆ ಮೂಡಿಸಿದ್ದ ಬೆಂಗಳೂರು ಬುಲ್ಸ್‌ ಸೋಮವಾರದ ಮುಖಾ ಮುಖೀಯಲ್ಲಿ ಯುಪಿ ಯೋಧಾಸ್‌ ವಿರುದ್ಧ ಜಿದ್ದಾಜಿದ್ದಿ ಹೋರಾಟ ನಡೆಸಿ 38-36 ಅಂತರದ ಗೆಲುವು ಸಾಧಿಸಿತು. ರೈಡರ್‌ಗಳಾದ ವಿಕಾಸ್‌ ಖಂಡೋಲ ಮತ್ತು ಭರತ್‌ ತಲಾ 11 ಅಂಕ ಗಳಿಸಿ ಬುಲ್ಸ್‌ ಜಯದಲ್ಲಿ ಪ್ರಮುಖ ಪಾತ್ರ ವಹಿಸಿದರು.

ಜೈಪುರ ವಿಜಯ
ದಿನದ ಮೊದಲ ಪಂದ್ಯದಲ್ಲಿ ಜೈಪುರ್‌ ಪಿಂಕ್‌ ಪ್ಯಾಂಥರ್ ರೋಚಕ ಹಣಾಹಣಿಯಲ್ಲಿ ಗುಜರಾತ್‌ ಜೈಂಟ್ಸ್‌ಗೆ 35-32 ಅಂತರದ ಸೋಲುಣಿಸಿತು. ಇದು ಜೈಪುರದ 3ನೇ ಪಂದ್ಯ. ಒಂದನ್ನು ಸೋತಿರುವ ಸುನೀಲ್‌ ಕುಮಾರ್‌ ಪಡೆ, ಇನ್ನೊಂದನ್ನು ಟೈ ಮಾಡಿಕೊಂಡಿತ್ತು.
ಜೈಪುರ್‌ ಜಯದಲ್ಲಿ ರೈಡರ್‌ ಅರ್ಜುನ್‌ ದೇಶ್ವಾಲ್‌ ಪಾತ್ರ ಮಹತ್ವ ದ್ದಾಗಿತ್ತು. ಅವರದು 15 ಅಂಕಗಳ ಬೇಟೆ. ಸುನೀಲ್‌ ಕುಮಾರ್‌ 5 ಅಂಕ ಗಳಿಸಿದರು. ಗುಜರಾತ್‌ ಪರ ರೈಡರ್‌ ಸೋನು ಅಮೋಘ ಪ್ರದರ್ಶನ ನೀಡಿ 13 ಅಂಕ ಬಾಚಿದರು.