ಪ್ರೊ ಕಬಡ್ಡಿ: ಪಾಟ್ನಾ ವಿರುದ್ಧ ಪಲ್ಟಿ ಹೊಡೆದ ಪುನೇರಿ

Team Udayavani, Dec 28, 2021, 11:03 PM IST

ಬೆಂಗಳೂರು: ಕನ್ನಡಿಗ ಪ್ರಶಾಂತ್‌ ರೈ ಸಾರಥ್ಯದ ಪಾಟ್ನಾ ಪೈರೆಟ್ಸ್‌ ಮಂಗಳವಾರದ ಮೊದಲ ಪ್ರೊ ಕಬಡ್ಡಿ ಪಂದ್ಯದಲ್ಲಿ ಪುನೇರಿ ಪಲ್ಟಾನ್‌ ವಿರುದ್ಧ 38-26 ಅಂತರದಿಂದ ಗೆಲುವು ಸಾಧಿಸಿದೆ.

ಪಾಟ್ನಾ ಎಲ್ಲ ವಿಭಾಗದಲ್ಲಿಯೂ ಸರ್ವಾಂಗೀಣ ಪ್ರದರ್ಶನ ತೋರಿತು. ಸಚಿನ್‌ ರೈಡಿಂಗ್‌ನಲ್ಲಿ ಒಟ್ಟು 10 ಟಚ್‌ ಪಾಯಿಂಟ್‌ಗಳನ್ನು ಗಳಿಸಿದರೆ ನಾಯಕ ಪ್ರಶಾಂತ್‌ ಕುಮಾರ್‌ (5), ಮತೋರ್ವ ತಾರ ರೇಡರ್‌ ಮೋನು ಗೋಯತ್‌ (3) ಅಂಕ ಕಲೆಹಾಕಿದರು. ಡಿಫೆಂಡಿಂಗ್‌ನಲ್ಲಿ ಸುನೀಲ್‌ 4 ಬಾರಿ ಎದುರಾಳಿಗಳನ್ನು ಕೆಡವಿದರು ಈ ವೇಳೆ ಅವರು ಯಲ್ಲೋ ಮತ್ತು ಗ್ರೀನ್‌ ಕಾರ್ಡ್‌ ಪಡೆದರು. ಉಳಿದಂತೆ ಪನೇರಿ ಪರ ಅಸ್ಲಾಮ್‌ ಇನಾಮ್‌ದಾರ್‌ (6), ಸೋಮ್‌ಬೀರ್‌ (5) ಅಂಕ ಗಳಿಸಿದರು. ಉಳಿದ ಆಟಗಾರರ ವೈಫ‌ಲ್ಯ ತಂಡದ ಸೋಲಿಗೆ ಕಾರಣವಾಯಿತು.

ಹರಿಯಾಣಕ್ಕೆ ಮೊದಲ ಗೆಲುವು
ದಿನದ ಮತ್ತೊಂದು ಪಂದ್ಯದಲ್ಲಿ ತೆಲುಗು ಟೈಟಾನ್ಸ್‌ ವಿರುದ್ಧ 39-37 ಅಂತರದಿಂದ ಗೆದ್ದ ಹರಿಯಾಣ ಸ್ಟೀಲರ್ ಈ ಆವೃತ್ತಿಯಲ್ಲಿ ಮೊದಲ ಗೆಲುವು ದಾಖಲಿಸಿತು.