ಪಿಎಸ್‌ಎಲ್‌: ಇಂದು ಸೆಮಿಫೈನಲ್‌ ಸೆಣಸಾಟ

Team Udayavani, Mar 17, 2020, 2:35 AM IST

ಲಾಹೋರ್‌: ಪಾಕಿಸ್ಥಾನ್‌ ಸೂಪರ್‌ ಲೀಗ್‌ ಟಿ20 ಪಂದ್ಯಾವಳಿಯ ಸೆಮಿಫೈನಲ್‌ ವೇದಿಕೆ ಸಜ್ಜುಗೊಂಡಿದೆ. ಎರಡೂ ಸೆಮಿಫೈನಲ್‌ ಪಂದ್ಯಗಳು ಮಂಗಳವಾರ ಲಾಹೋರ್‌ನ “ಗದ್ದಾಫಿ ಸ್ಟೇಡಿಯಂ’ನಲ್ಲಿ ನಡೆಯಲಿವೆ. ಈ ಎರಡೂ ಪಂದ್ಯಗಳಿಗೆ ವೀಕ್ಷಕರ ಪ್ರವೇಶವನ್ನು ನಿಷೇಧಿಸಲಾಗಿದೆ.

ಅಪರಾಹ್ನ 2.30ಕ್ಕೆ ಆರಂಭವಾಗ ಲಿರುವ ಮೊದಲ ಸೆಮಿಫೈನಲ್‌ನಲ್ಲಿ ಮುಲ್ತಾನ್‌ ಸುಲ್ತಾನ್ಸ್‌ ಮತ್ತು ಪೇಶಾವರ್‌ ಝಲಿ¾ ತಂಡಗಳು ಎದುರಾಗಲಿವೆ. ಇನ್ನೊಂದು ಪಂದ್ಯದಲ್ಲಿ ಕರಾಚಿ ಕಿಂಗ್ಸ್‌ ಮತ್ತು ಲಾಹೋರ್‌ ಖಲಂದರ್ ಎದುರಾಗಲಿವೆ. ಈ ಪಂದ್ಯ ರಾತ್ರಿ 7.30ಕ್ಕೆ ಆರಂಭವಾಗಲಿದೆ.

ಕರಾಚಿಯನ್ನು ಕೆಡವಿದ ಕ್ವೆಟ್ಟಾ
ರವಿವಾರ ರಾತ್ರಿ ನಡೆದ ಅಂತಿಮ ಲೀಗ್‌ ಪಂದ್ಯದಲ್ಲಿ ಕ್ವೆಟ್ಟಾ ಗ್ಲೆàಡಿಯೇಟರ್ 5 ವಿಕೆಟ್‌ಗಳಿಂದ ಕರಾಚಿ ಕಿಂಗ್ಸ್‌ ತಂಡವನ್ನು ಕೆಡವಿತು. ಆದರೆ ಈ ಸೋಲಿನ ಹೊರತಾಗಿಯೂ ಕರಾಚಿ ತಂಡದ ಸೆಮಿಫೈನಲ್‌ಗೆ ಯಾವುದೇ ಧಕ್ಕೆ ಆಗಲಿಲ್ಲ.
ಮೊದಲು ಬ್ಯಾಟಿಂಗ್‌ ನಡೆಸಿದ ಕರಾಚಿ ಕಿಂಗ್ಸ್‌ 5 ವಿಕೆಟಿಗೆ 150 ರನ್‌ ಗಳಿಸಿದರೆ, ಕ್ವೆಟ್ಟಾ ಗ್ಲೆàಡಿಯೇಟರ್ 16.2 ಓವರ್‌ಗಳಲ್ಲಿ 5 ವಿಕೆಟ್‌ ನಷ್ಟಕ್ಕೆ 154 ರನ್‌ ಬಾರಿಸಿತು.

ದ್ವಿತೀಯ ವಿಕೆಟಿಗೆ ಜತೆಗೂಡಿದ ಶೇನ್‌ ವಾಟ್ಸನ್‌ (66) ಮತ್ತು ಖುರ್ರಂ ಮನ್ಸೂರ್‌ (63) 118 ರನ್ನುಗಳ ಜತೆಯಾಟ ನಿಭಾಯಿಸಿ ತಂಡದ ಗೆಲುವನ್ನು ಸುಲಭಗೊಳಿಸಿದರು.

ಸಂಕ್ಷಿಪ್ತ ಸ್ಕೋರ್‌: ಕರಾಚಿ ಕಿಂಗ್ಸ್‌-5 ವಿಕೆಟಿಗೆ 150 (ಡೆಲ್‌ಪೋರ್ಟ್‌ 62, ಬಾಬರ್‌ 32, ವಾಲ್ಟನ್‌ 26, ನಸೀಮ್‌ ಶಾ 17ಕ್ಕೆ 2). ಕ್ವೆಟ್ಟಾ ಗ್ಲೆàಡಿಯೇಟರ್-
16.2 ಓವರ್‌ಗಳಲ್ಲಿ 5 ವಿಕೆಟಿಗೆ 154 (ವಾಟ್ಸನ್‌ 66, ಮನ್ಸೂರ್‌ 63, ಮಕ್ಸೂದ್‌ 19ಕ್ಕೆ 2, ಇಕ್ಬಾಲ್‌ 37ಕ್ಕೆ 2). ಪಂದ್ಯಶ್ರೇಷ್ಠ: ಶೇನ್‌ ವಾಟ್ಸನ್‌.