ಫೋರ್ಬ್ಸ್ ಪಟ್ಟಿಯಲ್ಲಿ ಪಿ.ವಿ. ಸಿಂಧು

Team Udayavani, Aug 8, 2019, 5:51 AM IST

ಹೊಸದಿಲ್ಲಿ: ಭಾರತದ ಟೆನಿಸ್‌ ತಾರೆ ಪಿ. ವಿ. ಸಿಂಧು ಫೋರ್ಬ್ಸ್ ಪಟ್ಟಿಯಲ್ಲಿ ಜಗತ್ತಿನ ಅತೀ ಹೆಚ್ಚು ಸಂಭಾವನೆ ಪಡೆಯುವ ಮಹಿಳಾ ಕ್ರೀಡಾತಾರೆಗಳ ಸಾಲಿನಲ್ಲಿ ಸ್ಥಾನ ಪಡೆದುಕೊಂಡಿದ್ದಾರೆ.

39.60 ಕೋ. ರೂ. (5.5 ದಶಲಕ್ಷ ಡಾಲರ್‌) ಗಳಿಕೆಯೊಂದಿಗೆ ಸಿಂಧು 13ನೇ ಸ್ಥಾನ ಸಂಪಾದಿಸಿದ್ದಾರೆ. ಈ ಯಾದಿಯಲ್ಲಿ ಪ್ರಥಮ ಸ್ಥಾನದಲ್ಲಿರುವ ವರು ಸೆರೆನಾ ವಿಲಿಯಮ್ಸ್‌.

ಸಿಂಧು ಭಾರತದ ಅತೀ ಹೆಚ್ಚು ಮಾರುಕಟ್ಟೆ ಮೌಲ್ಯ ಹೊಂದಿರುವ ವನಿತಾ ಕ್ರೀಡಾಳು. 2018ರಲ್ಲಿ ನಡೆದ ಬಿಡಬ್ಲ್ಯುಎಫ್ ವರ್ಲ್ಡ್ ಟೂರ್‌ ಫೈನಲ್‌ ಗೆದ್ದಿರುವ ಮೊದಲ ಭಾರತೀಯ ಕ್ರೀಡಾಳು ಅವರಾಗಿದ್ದಾರೆ ಎಂದು ಫೋರ್ಬ್ಸ್ ಸಿಂಧು ಅವರ ಗುಣಗಾನ ಮಾಡಿದೆ.

ಬಹುಮಾನದ ಹಣ, ವೇತನ, ಬೋನಸ್‌, ಜಾಹೀರಾತು ಗಳಿಕೆ ಮತ್ತು ಕಾರ್ಯಕ್ರಮಗಳಲ್ಲಿ ಭಾಗ ವಹಿಸಿದ್ದಕ್ಕೆ ಪಡೆದ ಸಂಭಾವನೆ ಇತ್ಯಾದಿ ಗಳಿಕೆಗಳನ್ನು ಫೋರ್ಬ್ಸ್ ಆಯಾ ವರ್ಷದ ಸಂಪಾದನೆ ಎಂದು ಪರಿಗಣಿಸುತ್ತದೆ. 2019ರ ಫೋರ್ಬ್ಸ್ ಯಾದಿಯಲ್ಲಿ 5 ದಶಲಕ್ಷ ಡಾಲರ್‌ಗಿಂತ ಹೆಚ್ಚು ಗಳಿಸಿದ 15 ಮಹಿಳಾ ಕ್ರೀಡಾಪಟುಗಳಿದ್ದಾರೆ. ಸೆರೆನಾ ಗಳಿಕೆ 29.2 ದಶಲಕ್ಷ ಡಾಲರ್‌.