Cricketer: ವೈವಾಹಿಕ ಜೀವನಕ್ಕೆ ಕಾಲಿಟ್ಟ ಕ್ರಿಕೆಟಿಗ ರಶೀದ್‌ ಖಾನ್

Team Udayavani, Oct 4, 2024, 9:18 PM IST

ಕಾಬೂಲ್‌: ಅಫ್ಘಾನಿಸ್ಥಾನದ ಲೆಗ್‌ಸ್ಪಿನ್ನರ್‌ ರಶೀದ್‌ ಖಾನ್‌ ಗುರುವಾರ ಅದ್ಧೂರಿ ಸಮಾರಂಭವೊಂದರಲ್ಲಿ ವೈವಾಹಿಕ ಜೀವನಕ್ಕೆ ಅಡಿಯಿರಿಸಿದರು. ಇವರೊಂದಿಗೆ ಮೂವರು ಸಹೋದರರು ಕೂಡ ಮದುವೆಯಾದರು. ರಶೀದ್‌ ಪತ್ನಿ ಸಂಬಂಧದವರೇ ಆಗಿದ್ದಾರೆ ಎನ್ನಲಾಗಿದೆ.

‘ಇಂಪೀರಿಯಲ್‌ ಕಾಂಟಿನೆಂಟಲ್‌ ಹೊಟೇಲ್‌’ನಲ್ಲಿ ನಡೆದ ಈ ಮದುವೆ ಸಮಾರಂಭದಲ್ಲಿ ಮೊಹಮ್ಮದ್ ನಬಿ, ಅಜ್ಮತುಲ್ಲಾ ಒಮರ್ಜಾಯ್, ಫಜಲ್ಲಾಕ್ ಫಾರೂಕಿ ಮತ್ತು ಮುಜೀಬ್ ಉರ್ ರೆಹಮಾನ್ ಸೇರಿದಂತೆ ಅಫ್ಘಾನಿಸ್ಥಾನದ ಹೆಚ್ಚಿನ ರಾಷ್ಟ್ರೀಯ ತಂಡದ ಆಟಗಾರರು ಭಾಗವಹಿಸಿದ್ದರು.

“ಏಕೈಕ ಕಿಂಗ್ ಖಾನ್, ರಶೀದ್ ಖಾನ್ ಅವರಿಗೆ ಅಭಿನಂದನೆಗಳು! ನಿಮಗೆ ಜೀವಮಾನದ ಪ್ರೀತಿ, ಸಂತೋಷ ಮತ್ತು ಯಶಸ್ಸು ಸಿಗಲಿ ಎಂದು ಹಾರೈಸುತ್ತೇನೆ” ಎಂದು ನಬಿ ಎಕ್ಸ್ ನಲ್ಲಿ ಪೋಸ್ಟ್ ಮಾಡಿದ್ದಾರೆ.

26 ರ ಹರೆಯದ ರಶೀದ್ ಖಾನ್ ವಿಶ್ವ ಕ್ರಿಕೆಟ್ ನಲ್ಲಿ ತನ್ನದೇ ಆದ ಛಾಪು ಮೂಡಿಸಿದ ಅಫ್ಘಾನ್ ತಂಡದ ಪ್ರಮುಖ ಕ್ರಿಕೆಟಿಗರಾಗಿದ್ದಾರೆ.

Congratulations to the one and only King Khan, Rashid Khan, on your wedding! Wishing you a lifetime of love, happiness, and success ahead.@rashidkhan_19 pic.twitter.com/fP1LswQHhr

— Mohammad Nabi (@MohammadNabi007) October 3, 2024