ತವರಿನಲ್ಲಿ ಮಿಂಚಿದ ಅಶ್ವಿನ್: ಭಾರತದ ಗೆಲುವಿಗೆ ಕಠಿಣ ಗುರಿ ನೀಡಿದ ಇಂಗ್ಲೆಂಡ್

Team Udayavani, Feb 8, 2021, 4:08 PM IST

ಚೆನ್ನೈ: ಮೊದಲ ಇನ್ನಿಂಗ್ಸ್ ನಲ್ಲಿ ಭಾರಿ ಹಿನ್ನಡೆ ಅನುಭವಿಸಿದರೂ ಸ್ಪಿನ್ನರ್ ರವಿಚಂದ್ರನ್ ಅಶ್ವಿನ್ ಬಿಗು ದಾಳಿಯಿಂದ ಭಾರತ ಇಂಗ್ಲೆಂಡ್ ತಂಡವನ್ನು 178 ರನ್ ಗೆ ಆಲ್ ಔಟ್ ಮಾಡಿದೆ. ಆದರೆ ಭಾರತ ಈ ಪಂದ್ಯವನ್ನು ಗೆಲ್ಲಬೇಕಾದರೆ 420 ರನ್ ಗಳಿಸಬೇಕಿದೆ.

241 ರನ್ ಮುನ್ನಡೆ ಇದ್ದರೂ ಭಾರತಕ್ಕೆ ಫಾಲೋ ಆನ್ ವಿಧಿಸದೆ ದ್ವಿತೀಯ ಇನ್ನಿಂಗ್ಸ್ ಬ್ಯಾಟಿಂಗ್ ನಡೆಸಿದ ಇಂಗ್ಲೆಂಡ್ ತಂಡ ಕೇವಲ 178 ರನ್ ಗಳಿಗೆ ತನ್ನೆಲ್ಲಾ ವಿಕೆಟ್ ಕಳೆದುಕೊಂಡಿತು. ರೋರಿ ಬರ್ನ್ಸ್ ಇನ್ನಿಂಗ್ಸ್ ನ ಮೊದಲ ಎಸೆತದಲ್ಲೇ ಔಟಾದರು. ಮೊದಲ ಇನ್ನಿಂಗ್ಸ್ ಹೀರೋ ರೂಟ್ 40 ರನ್ ಗಳಿಸಿದ್ದೇ ಆಂಗ್ಲರ ಸರದಿಯ ಶ್ರೇಷ್ಠ ಗಳಿಕೆ.

ಒಲಿ ಪೋಪ್ 29 ರನ್, ಬೆಸ್ 25 ರನ್ ಮತ್ತು ಬಟ್ಲರ್ 24 ರನ್ ಗಳಿಸಿ ಔಟಾದರು. ಭಾರತದ ಪರ ಬಿಗು ದಾಳಿ ಸಂಘಟಿಸಿ ಅಶ್ವಿನ್ ಆರು ವಿಕೆಟ್ ಕಬಳಿಸಿದರು. ನದೀಂ ಎರಡು ವಿಕೆಟ್ ಪಡೆದರೆ, ಇಶಾಂತ್ ಮತ್ತು ಬುಮ್ರಾ ತಲಾ ಒಂದು ವಿಕೆಟ್ ಪಡೆದರು. ಇದೇ ವೇಳೆ ಇಶಾಂತ್ ಟೆಸ್ಟ್ ಕ್ರಿಕೆಟ್ ನಲ್ಲಿ 300 ವಿಕೆಟ್ ಕಿತ್ತ ಸಾಧನೆ ಮಾಡಿದರು.

ಭಾರತ ಈ ಪಂದ್ಯ ಗೆಲ್ಲಬೇಕಾದರೆ 420 ರನ್ ಗಳಿಸಬೇಕಾಗಿದೆ. ಮಂಗಳವಾರ ಅಂತಿಮ ದಿನವಾಗಿದ್ದು, ದಿನವಿಡೀ ಆಡಿದರೆ ಡ್ರಾ ಮಾಡಬಹುದಾಗಿದೆ.