IPL 2023 ರೀಸ್ ಟೋಪ್ಲೆಗೆ ಗಾಯ: ಆರ್ ಸಿಬಿ ಕ್ಯಾಂಪ್ ಸೇರಿದ ದ.ಆಫ್ರಿಕಾ ಎಡಗೈ ವೇಗಿ

Team Udayavani, Apr 7, 2023, 1:16 PM IST

ಬೆಂಗಳೂರು: ಕೋಲ್ಕತ್ತಾ ನೈಟ್ ರೈಡರ್ಸ್ ವಿರುದ್ಧದ ಪಂದ್ಯದಲ್ಲಿ ಹೀನಾಯ ಸೋಲುಂಡ ರಾಯಲ್ ಚಾಲೆಂಜರ್ಸ್ ಬೆಂಗಳೂರಿಗೆ ಗಾಯದ ಮೇಲೆ ಬರೆ ಬಿದ್ದಂತಾಗಿದೆ. ಮೊದಲ ಪಂದ್ಯದಲ್ಲಿ ಗಾಯಗೊಂಡ ರೀಸ್ ಟೋಪ್ಲೆ ಅವರು ಸಂಪೂರ್ಣ ಕೂಟದಿಂದಲೇ ಹೊರಬಿದ್ದಿದ್ದಾರೆ.

ಗಾಯದಿಂದ ಚೇತರಿಕೆ ಕಾಣುತ್ತಿರುವ ವೇಗಿ ಜೋಶ್ ಹೇಜಲ್ ವುಡ್ ಅವರು ಇನ್ನೂ ತಂಡಕ್ಕೆ ಸೇರಿಕೊಂಡಿಲ್ಲ. ಇದೀಗ ಟಾಪ್ಲೆ ಕೂಡಾ ಗಾಯದಿಂದ ಕೂಟದಿಂದ ಹೊರಬಿದ್ದಿರುವುದು ತಂಡದ ಹಿನ್ನಡೆಗೆ ಕಾರಣವಾಗಿದೆ. ಹೀಗಾಗಿ ಆರ್ ಸಿಬಿ ಇದೀಗ ಮತ್ತೋರ್ವ ವಿದೇಶಿ ಆಟಗಾರನ ಮೊರೆ ಹೋಗಿದೆ.

ದಕ್ಷಿಣ ಆಫ್ರಿಕಾದ ಅನುಭವಿ ಎಡಗೈ ವೇಗಿ ವೇಯ್ನ್ ಪಾರ್ನೆಲ್ ಅವರನ್ನು ಆರ್ ಸಿಬಿ ಸೇರಿಸಿಕೊಂಡಿದೆ. ಈ ಬಗ್ಗೆ ಇಂದು ಅಧಿಕೃತ ಪ್ರಕಟಣೆ ಹೊರಡಿಸಲಾಗಿದೆ.

ವೇಯ್ನ್ ಪಾರ್ನೆಲ್ ಅವರು ಈ ಹಿಂದೆಯೂ ಐಪಿಎಲ್ ನಲ್ಲಿ ಆಡಿದ ಅನುಭವ ಹೊಂದಿದ್ದು, ಪುಣೆ ವಾರಿಯರ್ಸ್ ಮತ್ತು ಡೆಲ್ಲಿ ಕ್ಯಾಪಿಟಲ್ಸ್ ಪರವಾಗಿ ಆಡಿದ್ದಾರೆ. 26 ಐಪಿಎಲ್ ಪಂದ್ಯವಾಡಿರುವ ಅವರು 26 ವಿಕೆಟ್ ಪಡೆದಿದ್ದಾರೆ.

1.9 ಕೋಟಿ ರೂ ಗಳಿಗೆ ಆರ್ ಸಿಬಿ ಕ್ಯಾಂಪ್ ಸೇರಿದ್ದ ಟೋಪ್ಲೆ ಅವರು ಮುಂಬೈ ವಿರುದ್ದ ಪಂದ್ಯದಲ್ಲಿ ಭುಜದ ನೋವಿಗೆ ಒಳಗಾಗಿದ್ದರು.

Fearsome with the ball and fearless on the field! We don’t just call you 🔝 lad Topley for nothing. 🙌

Thank you for putting your body on the line and giving your 100%. We will miss you and wish you a speedy recovery, mate. ❤️‍🩹#PlayBold #ನಮ್ಮRCB #IPL2023 pic.twitter.com/cvqxvA8ap1

— Royal Challengers Bangalore (@RCBTweets) April 7, 2023