ಸ್ಪೇನ್‌ ಲಾ ಲೀಗಾ ಫ‌ುಟ್‌ಬಾಲ್‌ಗೆ ರೋಹಿತ್‌ ರಾಯಭಾರಿ

Team Udayavani, Dec 12, 2019, 10:52 PM IST

ಮುಂಬಯಿ: ಭಾರತ ಕ್ರಿಕೆಟ್‌ ತಂಡದ ಉಪನಾಯಕ ರೋಹಿತ್‌ ಶರ್ಮ ಸ್ಪೇನ್‌ನ ಖ್ಯಾತ ಡಿವಿಷನ್‌ ಲೀಗ್‌ ಫ‌ುಟ್‌ಬಾಲ್‌ ಲೀಗ್‌ “ಲಾ ಲೀಗಾ’ಕ್ಕೆ ರಾಯಭಾರಿಯಾಗಿ ನೇಮಕಗೊಂಡಿದ್ದಾರೆ. ಭಾರತದ ಕ್ರೀಡಾಪಟುವೊಬ್ಬನಿಗೆ ಈ ಗೌರವ ಲಭಿಸಿದ ಮೊದಲ ನಿದರ್ಶನ ಇದಾಗಿದೆ.

ಮಾತ್ರವಲ್ಲ, ಇದೇ ಮೊದಲ ಬಾರಿಗೆ ಫ‌ುಟ್‌ಬಾಲ್‌ಯೇತರ ಕ್ರೀಡಾಪಟುವೊಬ್ಬರನ್ನು ಲಾ ಲೀಗಾ ತನ್ನ ರಾಯಭಾರಿಯಾಗಿ ಘೋಷಿಸಿರುವುದು ವಿಶೇಷ.

ಲಾ ಲೀಗಾ ಮೂಲಕ ಭಾರತದಲ್ಲಿ ಫ‌ುಟ್‌ಬಾಲ್‌ ಜನಪ್ರಿಯತೆ ಹೆಚ್ಚಿಸುವ ಕಾರ್ಯ ನಡೆಯುತ್ತಿದೆ. 2017ರಿಂದಲೂ ಈ ಬಗ್ಗೆ ಕಾರ್ಯಕ್ರಮಗಳನ್ನು ಭಾರತದಾದ್ಯಂತ ನಡೆಸಲಾಗುತ್ತಿದೆ. ರೋಹಿತ್‌ ಶರ್ಮ ಕೂಡ ಈ ಬಗ್ಗೆ ಪ್ರತಿಕ್ರಿಯೆ ನೀಡಿದ್ದು,
“ಭವಿಷ್ಯದಲ್ಲಿ ಭಾರತದ ಫ‌ುಟ್‌ಬಾಲ್‌ ಇನ್ನೊಂದು ಎತ್ತರ ತಲುಪುವುದನ್ನು ನಿರೀಕ್ಷಿಸುತ್ತಿದ್ದೇನೆ’ ಎಂದು ತಿಳಿಸಿದ್ದಾರೆ.