ಅಶಿಸ್ತಿನ ವರ್ತನೆ: ರೋಹಿತ್ಗೆ ದಂಡ
Team Udayavani, Apr 26, 2017, 2:01 PM IST
ಮುಂಬಯಿ: ಪುಣೆ ವಿರುದ್ಧದ ಪಂದ್ಯದ ವೇಳೆ ಅಂಪಾಯರ್ ಜತೆ ಅಸಭ್ಯವಾಗಿ ವರ್ತಿಸಿದ ಮುಂಬೈ ಇಂಡಿಯನ್ಸ್ ನಾಯಕ ರೋಹಿತ್ ಶರ್ಮ ಅವರಿಗೆ ಸಂಭಾವನೆಯ ಶೇ. 50ರಷ್ಟು ದಂಡ ವಿಧಿಸಲಾಗಿದೆ. ಪಂದ್ಯದ ಅಂತಿಮ ಓವರ್ ವೇಳೆ ಗೆಲುವಿನ ಒತ್ತಡದಲ್ಲಿದ್ದಾಗ ರೋಹಿತ್ ಶರ್ಮ ಅಂಪಾಯರ್ ಎಸ್. ರವಿ ಜತೆ ವೈಡ್ ಎಸೆತಕ್ಕೆ ಸಂಬಂಧಿಸಿದಂತೆ ವಾಗ್ವಾದಕ್ಕಿಳಿದಿದ್ದರು. ಜೈದೇವ್ ಉನಾದ್ಕತ್ ಅವರ ಎಸೆತವೊಂದು ಆಫ್ಸ್ಟಂಪ್ನಿಂದ ತೀರಾ ಹೊರಕ್ಕೆ ಹೋದಾಗ ರೋಹಿತ್ ಅದನ್ನು ಎದುರಿಸದೆ ಬಿಟ್ಟಿದ್ದರು. ಅಂಪಾಯರ್ ಈ ಎಸೆತವನ್ನು ವೈಡ್ ಎಂದು ತೀರ್ಮಾನಿಸುತ್ತಾರೆ ಎಂಬುದು ಅವರ ನಿರೀಕ್ಷೆ ಆಗಿತ್ತು. ಆದರೆ ಅಂಪಾಯರ್ ಎಸ್. ರವಿ ಇದನ್ನು ವೈಡ್ ಎಂದು ಘೋಷಿಸಲಿಲ್ಲ. ಇದರಿಂದ ಆಘಾತಕ್ಕೊಳಗಾದ ರೋಹಿತ್ ಶರ್ಮ ಅಂಪಾಯರ್ ಅವರನ್ನು ದುರುಗುಟ್ಟಿ ನೋಡುತ್ತ ವಾದಕ್ಕಿಳಿದರು. ಇದಕ್ಕೂ ಮುನ್ನ ಸ್ಕ್ವೇರ್ ಲೆಗ್ ಅಂಪಾಯರ್ ಎ. ನಂದಕಿಶೋರ್ ವಿರುದ್ಧವೂ ರೋಹಿತ್ ಆಕ್ರೋಶಗೊಂಡಿದ್ದರು. ಅಂಪಾಯರ್ ದೂರನ್ನು ಪರಿಗಣಿಸಿದ ಮ್ಯಾಚ್ ರೆಫ್ರಿ ಜಾವಗಲ್ ಶ್ರೀನಾಥ್, ರೋಹಿತ್ಗೆ ದಂಡ ವಿಧಿಸುವ ನಿರ್ಧಾರಕ್ಕೆ ಬಂದರು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
Kaljigaದಲ್ಲಿ ದೈವದ ಅಪಪ್ರಚಾರ ನಡೆದಿಲ್ಲ, ಸಿನಿಮಾ ನೋಡಿದ ಬಳಿಕ ಈ ಬಗ್ಗೆ ಪ್ರತಿಕ್ರಿಯಿಸಿ
ನವಜಾತ ಶಿಶುಗಳಲ್ಲಿ ಶ್ರವಣ ಶಕ್ತಿ ಸಮಸ್ಯೆ ಕುರಿತು ಸಂಪೂರ್ಣ ಮಾಹಿತಿ
ಅಂತರಾಷ್ಟ್ರೀಯ ಪ್ರಜಾಪ್ರಭುತ್ವ ದಿನಾಚರಣೆ ಅಂಗವಾಗಿ ತಾಲೂಕು ಮಟ್ಟದ ಮಾನವ ಸರಪಳಿ ಕಾರ್ಯಕ್ರಮ
ಈಟ್ ರಾಜಾ ಶಾಪ್ ನಲ್ಲಿ ಜ್ಯೂಸ್ ಕುಡಿಯೋದಷ್ಟೇ ಅಲ್ಲ ತಿನ್ನಲೂ ಬಹುದು
ಅಯ್ಯೋ…ಸಂತೆಕಟ್ಟೆ ಅಂಡರ್ ಪಾಸ್ ಪ್ರಯಾಣ ನಿತ್ಯ ನರಕ!
ಹೊಸ ಸೇರ್ಪಡೆ
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.