![1-census](https://www.udayavani.com/wp-content/uploads/2024/08/1-census-415x271.jpg)
Rohit Sharma; ‘ಇನ್ನೂ ಸ್ವಲ್ಪ ಕಾಲ ಏಕದಿನ, ಟೆಸ್ಟ್ ಆಡುವೆ’
Team Udayavani, Jul 16, 2024, 6:50 AM IST
![Rohit Sharma](https://www.udayavani.com/wp-content/uploads/2024/07/Rohit-Sharma-620x389.jpg)
ಡಲ್ಲಾಸ್ (ಯುಎಸ್ಎ): ಟಿ20 ವಿಶ್ವಕಪ್ ಗೆದ್ದ ಕೂಡಲೇ ಚುಟುಕು ಮಾದರಿಯ ಕ್ರಿಕೆಟಿಗೆ ವಿದಾಯ ಹೇಳಿದ ರೋಹಿತ್ ಶರ್ಮ, ಟೆಸ್ಟ್ ಮತ್ತು ಏಕದಿನ ಕ್ರಿಕೆಟ್ ಬಗ್ಗೆ ಯಾವ ನಿರ್ಧಾರಕ್ಕೆ ಬರಬಹುದು ಎಂಬುದನ್ನು ತಿಳಿಯಲು ಎಲ್ಲರೂ ಕಾತರಗೊಂಡಿದ್ದರು. ಇದೀಗ ಸ್ವತಃ ರೋಹಿತ್ ಅವರೇ ಈ ಕುತೂಹಲ ನೀಗಿಸಿದ್ದಾರೆ. ಇನ್ನೂ ಸ್ವಲ್ಪ ಕಾಲ ತಾನು ಈ ಎರಡು ಮಾದರಿಗಳಲ್ಲಿ ಮುಂದುವರಿಯುವುದಾಗಿ ಹೇಳಿದ್ದಾರೆ.
ಡಲ್ಲಾಸ್ನಲ್ಲಿ ನಡೆದ “ಕ್ರಿಕೆಟ್ ಅಕಾಡೆಮಿ’ ಯೊಂದರ ಉದ್ಘಾಟನೆಯ ವೇಳೆ ಮಾತಾಡಿದ ರೋಹಿತ್ ಶರ್ಮ, “ನಾನು ಇನ್ನೂ ಸ್ವಲ್ಪ ಕಾಲ ಕ್ರಿಕೆಟ್ ಆಡಬೇಕು. ಹೀಗಾಗಿ ಟೆಸ್ಟ್ ಮತ್ತು ಏಕದಿನ ಕ್ರಿಕೆಟ್ನಿಂದ ಶೀಘ್ರ ನಿವೃತ್ತಿಯಾಗುವ ಉದ್ದೇಶ ನನಗಿಲ್ಲ’ ಎಂದಿದ್ದಾರೆ. ಇದರ ವೀಡಿಯೋ ಒಂದು ಹರಿದಾಡುತ್ತಿದೆ.
ಗೌತಮ್ ಗಂಭೀರ್ ಕೋಚ್ ಆಗಿ ಬಂದರೆ ರೋಹಿತ್ ಶರ್ಮ, ವಿರಾಟ್ ಕೊಹ್ಲಿ ಮೊದಲಾದವರ ಸ್ಥಾನಕ್ಕೆ ಸಂಚಕಾರ ಬರಬಹುದು ಎಂಬ ಊಹಾ ಪೋಹ ಹಬ್ಬಿತ್ತು. ಆದರೆ ಕೆಲವು ದಿನಗಳ ಹಿಂದೆ ಬಿಸಿಸಿಐ ಕಾರ್ಯ ದರ್ಶಿ ಜಯ್ ಶಾ ಟೀಮ್ ಇಂಡಿಯಾ ಕಪ್ತಾನನ ಪರವಾಗಿ ಬ್ಯಾಟ್ ಬೀಸಿದ್ದರು. ಮುಂಬರುವ ಐಸಿಸಿ ಚಾಂಪಿಯನ್ಸ್ ಟ್ರೋಫಿ ಮತ್ತು ಈಗ ಸಾಗುತ್ತಿರುವ ಟೆಸ್ಟ್ ಚಾಂಪಿಯನ್ಶಿಪ್ ಆವೃತ್ತಿಯಲ್ಲಿ ರೋಹಿತ್ ಶರ್ಮ ಅವರೇ ಭಾರತ ತಂಡದ ನಾಯಕ ರಾಗಿರುತ್ತಾರೆ ಎಂದಿದ್ದರು.
ಟಾಪ್ ನ್ಯೂಸ್
![1-census](https://www.udayavani.com/wp-content/uploads/2024/08/1-census-415x271.jpg)
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.