ಕೊನೆಗೂ ವಿರಾಟ್ ಕೊಹ್ಲಿ ನಾಯಕತ್ವದ ಬಗ್ಗೆ ಮಾತನಾಡಿದ ರೋಹಿತ್ ಶರ್ಮಾ

Team Udayavani, Dec 13, 2021, 9:06 AM IST

ಮುಂಬೈ: ಭಾರತ ಏಕದಿನ ಮತ್ತು ಟಿ20 ತಂಡದ ನೂತನ ನಾಯಕ ರೋಹಿತ್ ಶರ್ಮಾ ಅವರು ಮಾಜಿ ನಾಯಕ ವಿರಾಟ್ ಕೊಹ್ಲಿ ನಾಯಕತ್ವದ ಕುರಿತು ಮಾತನಾಡಿದ್ದಾರೆ. ಕೊಹ್ಲಿ ಜೊತೆಗೆ ಮುಂದೆಯೂ ಆಡುವ ಬಯಕೆಯನ್ನು ರೋಹಿತ್ ವ್ಯಕ್ತಪಡಿಸಿದ್ದಾರೆ.

ಬಿಸಿಸಿಐ ಅಪ್ಲೋಡ್ ಮಾಡಿರುವ ಅಧಿಕೃತ ವಿಡಿಯೋದಲ್ಲಿ ರೋಹಿತ್ ಮಾತನಾಡಿದ್ದಾರೆ. ” ಎಂದೂ ಹಿಂತಿರುಗಿ ನೋಡದಂತಹ ಸ್ಥಿತಿಯಲ್ಲಿ ವಿರಾಟ್ ಕೊಹ್ಲಿ ತಂಡವನ್ನು ತಂದರು, ಅವರು ತಂಡವನ್ನು ಮುನ್ನಡೆಸಿದ ಆ ಐದು ವರ್ಷಗಳು, ನಾವು ಮೈದಾನಕ್ಕೆ ಕಾಲಿಟ್ಟಾಗಲೆಲ್ಲಾ ಎದುರು ನಿಂತು ತಂಡವನ್ನು ಮುನ್ನಡೆಸಿದರು. ಪ್ರತಿ ಪಂದ್ಯವನ್ನು ಗೆಲ್ಲುವ ಸ್ಪಷ್ಟವಾದ ದೃಢತೆ ಮತ್ತು ದೃಢಸಂಕಲ್ಪವಿತ್ತು. ಅದು ಇಡೀ ತಂಡಕ್ಕೆ ಸಂದೇಶವಾಗಿತ್ತು” ಎಂದು ರೋಹಿತ್ ಹೇಳಿದರು.

ಮಹೇಂದ್ರ ಸಿಂಗ್ ಧೋನಿ ಅವರು ನಾಯಕತ್ವದಿಂದ ಕೆಗಿಳಿದ ಬಳಿಕ ವಿರಾಟ್ ಕೊಹ್ಲಿ ನಾಯಕತ್ವದಲ್ಲಿ ರೋಹಿತ್ ಶರ್ಮಾ ಉಪನಾಯಕರಾಗಿದ್ದರು. ಇದೀಗ ತಂಡವನ್ನು ಮುನ್ನಡೆಸುತ್ತಿದ್ದಾರೆ.

ಇದನ್ನೂ ಓದಿ:ಸೈನಿಕರ ಸಾಹಸಗಾಥೆ ಪಠ್ಯ ಪುಸ್ತಕದಲ್ಲಿ ಬರಲಿ: ಸುನಿಲ್‌

“ನಾವು ವಿರಾಟ್ ಅಡಿಯಲ್ಲಿ ಉತ್ತಮ ಆಟವನ್ನು ಆಡಿದ್ದೇವೆ. ನಾನು ಅವರೊಂದಿಗೆ ಸಾಕಷ್ಟು ಕ್ರಿಕೆಟ್ ಆಡಿದ್ದೇನೆ. ಪ್ರತಿ ಕ್ಷಣವನ್ನು ಆನಂದಿಸಿದ್ದೇನೆ ಮತ್ತು ನಾನು ಅದನ್ನು ಇನ್ನೂ ಮುಂದುವರಿಸುತ್ತೇನೆ. ನಾವು ತಂಡವಾಗಿ ಮತ್ತು ವ್ಯಕ್ತಿಯಾಗಿ ಉತ್ತಮವಾಗಬೇಕು” ರೋಹಿತ್ ಹೇಳಿದರು.