ಮತ್ತೂಂದು ಸಚಿನ್‌ ದಾಖಲೆ ಮುರಿಯುವತ್ತ ಕೊಹ್ಲಿ

Team Udayavani, Feb 17, 2017, 3:45 AM IST

ನವದೆಹಲಿ: ಸ್ಥಿರ ಬ್ಯಾಟಿಂಗ್‌ ಪ್ರದರ್ಶನ ನೀಡುತ್ತಿರುವ ಭಾರತ ತಂಡದ ನಾಯಕ ವಿರಾಟ್‌ ಕೊಹ್ಲಿ ಕ್ರಿಕೆಟ್‌ ದಂತಕಥೆ ಸಚಿನ್‌ ತೆಂಡುಲ್ಕರ್‌ ಅವರ ಮತ್ತೂಂದು ದಾಖಲೆಯನ್ನು ಮುರಿಯುವ ಸಾಧ್ಯತೆಯಿದೆ.

ಐಸಿಸಿ ಸಾರ್ವಕಾಲಿಕ ಶ್ರೇಷ್ಠ ಟೆಸ್ಟ್‌ ಶ್ರೇಯಾಂಕದಲ್ಲಿ ಸಚಿನ್‌ ತೆಂಡುಲ್ಕರ್‌ 898 ಅಂಕ ಸಂಪಾದಿಸಿ 31ನೇ ಸ್ಥಾನದಲ್ಲಿದ್ದಾರೆ. ಈ ಶ್ರೇಯಾಂಕದಲ್ಲಿ ಕೊಹ್ಲಿ 33ನೇ ಸ್ಥಾನ ಹೊಂದಿದ್ದಾರೆ. ಕೊಹ್ಲಿ ಕಳೆದ ನಾಲ್ಕು ಸರಣಿಯಲ್ಲಿಯೂ ದ್ವಿಶತಕ ಬಾರಿಸಿ ಭರ್ಜರಿ ಫಾರ್ಮ್ನಲ್ಲಿದ್ದು, 895 ಅಂಕ ಸಂಪಾದಿಸಿದ್ದಾರೆ.

ಏ.23ರಿಂದ ಆಸ್ಟ್ರೇಲಿಯಾ ವಿರುದ್ಧ 4 ಪಂದ್ಯಗಳ ಟೆಸ್ಟ್‌ ಸರಣಿ ಆರಂಭವಾಗಲಿದೆ. ಇಲ್ಲಿ ಕೊಹ್ಲಿ ತಮ್ಮ ಬ್ಯಾಟಿಂಗ್‌ ಜಾದೂವನ್ನು ಮುಂದುವರಿಸಿದರೆ ಸಚಿನ್‌ಗಿಂತ ಮೇಲಿನ ಶ್ರೇಯಾಂಕ ಪಡೆಯುವ ಅವಕಾಶವಿದೆ.