ಆಲ್‌ ಇಂಗ್ಲಂಡ್‌ ಚಾಂಪ್ಯನ್‌ಶಿಪ್‌ನಿಂದ ಸೋತು ಹೊರಬಿದ್ದ ಸೈನಾ

Team Udayavani, Mar 8, 2019, 1:43 PM IST

ಲಂಡನ್‌ : ಭಾರತದ ಮಾಜಿ ಫೈನಲಿಸ್ಟ್‌ ಸೈನಾ ನೆಹವಾಲ್‌ 10 ಲಕ್ಷ ಡಾಲರ್‌ ಬಹುಮಾನದ ಆಲ್‌ ಇಂಗ್ಲಂಡ್‌ ಚಾಂಪ್ಯನ್‌ಶಿಪ್‌ನಿಂದ ಸೋತು ಹೊರಬಿದ್ದಿದ್ದಾರೆ. ಅದರಿಂದಾಗಿ ಅವರ ಅಸಂಖ್ಯ ಅಭಿಮಾನಿಗಳಿಗೆ ತೀವ್ರ ನಿರಾಶೆ ಉಂಟಾಗಿದೆ. 

ತೈವಾನಿನ ನಂಬರ್‌ ಒನ್‌ ಆಟಗಾತಿ ತ್ಸು ಯಿಂಗ್‌ ಅವರೆದುರು ಸೈನಾ 15-21, 19-21 ಸೆಟ್ಟುಗಳ ಅಂತರದಲ್ಲಿ, 37 ನಿಮಿಷಗಳ ಕ್ವಾರ್ಟರ್‌ ಫೈನಲ್‌ ಕಾದಾಟದಲ್ಲಿ, ನಿರುತ್ತರರಾಗಿ ಸೋಲನುಭವಿಸಿದರು. 

ಸೈನಾ ಅವರೀಗ ತ್ಸು ಯಿಂಗ್‌ ಎದುರು 5-15 ಅಂತರದ ನೇರಾನೇರ ಕ್ಯಾರಿಯರ್‌ ರೆಕಾರ್ಡ್‌ ಹೊಂದಿದ್ದು 13ನೇ ನೇರ ಸೋಲಿಗೆ ಗುರಿಯಾಗಿದ್ದಾರೆ. ತೈವಾನ್‌ ಆಟಗಾತಿ 2015ರ ಬಳಿಕದಲ್ಲಿ  ಭಾರತೀಯಳ ಎದುರು ಸೋಲೇ ಕಾಣದ ದಾಖಲೆ ಹೊಂದಿದ್ದಾರೆ.

ತ್ಸು ಯಿಂಗ್‌ ಕಳೆದ ವರ್ಷ ಗಾಯಾಳುವಾಗಿ ಹಾಂಕಾಂಗ್‌ ಓಪನ್‌ನಿಂದ ನಿವೃತ್ತರಾಗಿದ್ದರು.  ಆ ಬಳಿಕದಲ್ಲಿ ಅಸಾಧಾರಣ ಚೇತರಿಕೆಯನ್ನು ಸಾಧಿಸಿದ ಯಿಂಗ್‌, ಬರ್ಮಿಂಗಂ ಕಣದಲ್ಲೀಗ ಅದ್ಭುತ ಆಟವನ್ನು ಪ್ರದರ್ಶಿಸುತ್ತಿದ್ದಾರೆ.